ନୂଆଦିଲ୍ଲୀ, 12 ଡିସେମ୍ବର (ହି.ସ.)- ବରିଷ୍ଠ

କଂଗ୍ରେସ ନେତା ଏବଂ ପୂର୍ବ କେନ୍ଦ୍ରୀୟ ମନ୍ତ୍ରୀ ଶିବରାଜ ପାଟିଲଙ୍କ ବିୟୋଗରେ କଂଗ୍ରେସ

ପକ୍ଷରୁ ଶୋକ ପ୍ରକାଶ କରାଯାଇଛି ।କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କହିଛନ୍ତି ଯେ ପୂର୍ବତନ

ଗୃହମନ୍ତ୍ରୀ,

ପୂର୍ବ ଲୋକସଭା ଅଧ୍ୟକ୍ଷ ଏବଂ ବରିଷ୍ଠ କଂଗ୍ରେସ ନେତା ଶିବରାଜ

ପାଟିଲଙ୍କ ନିଧନରେ ସେ ଗଭୀର ଦୁଃଖିତ। ସେ ଦେଶ ଏବଂ ଗଣତାନ୍ତ୍ରିକ ସଂସ୍ଥାଗୁଡିକ ପ୍ରତି

ସମର୍ପିତ ଥିଲେ। ସେ ତାଙ୍କ ପରିବାର, ମିତ୍ର ଏବଂ ସମର୍ଥକଙ୍କ

ପ୍ରତି ହୃଦୟପୂର୍ଣ୍ଣ ସମବେଦନା ବ୍ୟକ୍ତ କରିଛନ୍ତି।

କଂଗ୍ରେସ ନେତା ରାହୁଲ

ଗାନ୍ଧୀ କହିଛନ୍ତି ଯେ ପୂର୍ବ କେନ୍ଦ୍ରୀୟ ମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ଶିବରାଜ

ପାଟିଲଙ୍କ ବିୟୋଗ ଦଳ ପାଇଁ ଗୋଟିଏ ଅପୂରଣୀୟ କ୍ଷତି। ତାଙ୍କର ଜନସେବା ପ୍ରତି ସମର୍ପଣ ଏବଂ ଦେଶ

ପାଇଁ ତାଙ୍କର ଅବଦାନ ସର୍ବଦା ସ୍ମରଣୀୟ ରହିବ।

କଂଗ୍ରେସ ମହାସଚିବ କେ.ସି.

ବେଣୁଗୋପାଲ କହିଛନ୍ତି ଯେ ପାଟିଲ ଜଣେ ସକ୍ଷମ ପ୍ରଶାସକ ଥିଲେ, ଯିଏ ମହାରାଷ୍ଟ୍ର ବିଧାନସଭା ଅଧ୍ୟକ୍ଷ, ଲୋକସଭା ଉପାଧ୍ୟକ୍ଷ ଏବଂ କେନ୍ଦ୍ରୀୟ ମନ୍ତ୍ରୀ ଭାବେ ଦଶନ୍ଧି ଧରି

ସେବା କରିଥିଲେ। ସେ କଂଗ୍ରେସ ପାର୍ଟିର ଗୋଟିଏ ମୁଖ୍ୟ ସ୍ତମ୍ଭ ଥିଲେ ଏବଂ ଦଳ ସହିତ ସହ

ଜନସାଧାରଣଙ୍କ ମଧ୍ୟରେ ବହୁତ ସମ୍ମାନିତ ଥିଲେ। ସେ ତାଙ୍କ ପରିବାର ଏବଂ ଶୁଭଚିନ୍ତକଙ୍କ ପ୍ରତି

ସମବେଦନା ଜଣାଇଛନ୍ତି।

କଂଗ୍ରେସ ମହାସଚିବ

ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ ପୂର୍ବ କେନ୍ଦ୍ରୀୟ ଗୃହମନ୍ତ୍ରୀ ଏବଂ ପୂର୍ବ ଲୋକସଭା

ଅଧ୍ୟକ୍ଷ ଶିବରାଜ ପାଟିଲଙ୍କ ବିୟୋଗ ସମ୍ବାଦ ଅତ୍ୟନ୍ତ ଦୁଃଖଦ। ସେ ପ୍ରତିରକ୍ଷା ମନ୍ତ୍ରାଳୟ

ସହିତ ଅନେକ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ନିଭାଇଥିଲେ ଏବଂ ଦଶନ୍ଧି ଧରି ଜନସେବା

କରିଥିଲେ। ତାଙ୍କ ପରିବାର ଏବଂ ଶୁଭଚିନ୍ତକଙ୍କ ପ୍ରତି ମୋର ଗଭୀର ସମବେଦନା। ଭଗବାନ ଦିବଂଗତ ଆତ୍ମାକୁ

ଶାନ୍ତି ଦିଅନ୍ତୁ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା