ନୂଆଦିଲ୍ଲୀ- ରାଜଧାନୀ

କ୍ଷେତ୍ର (ଏନ୍‌ସିଆର)ର ବଡ଼ ଅଂଶ ଆଜି ସକାଳେ ଘନ କୁହୁଡ଼ି ଏବଂ ଧୂଆଁର ଘନ ଆସ୍ତରଣରେ ଆବୃତ

ଥିଲା। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଯାୟୀ, ଦିଲ୍ଲୀର ଆନନ୍ଦ ବିହାରରେ ସକାଳେ ବାୟୁ ଗୁଣମାନ ସୂଚକାଙ୍କ 491 ରେକର୍ଡ କରାଯାଇଛି। ଏହା

‘ଗୁରୁତର’ ଶ୍ରେଣୀରେ ପଡ଼େ। ଆଇଟିଓରେ ମଧ୍ୟ ଏହିପରି ପରିସ୍ଥିତି ଥିଲା। ସେଠାରେ ବାୟୁ ଗୁଣମାନ

ସୂଚକାଙ୍କ 484 ରହିଥିଲା।

କେନ୍ଦ୍ରୀୟ ପ୍ରଦୂଷଣ

ନିୟନ୍ତ୍ରଣ ବୋର୍ଡ ଅନୁସାରେ, ଦିଲ୍ଲୀ ଏବଂ ଏହା ସହିତ

ଲାଗିଥିବା ସହରଗୁଡ଼ିକ — ନୋଏଡା, ଗାଜିଆବାଦ, ଫରିଦାବାଦ, ଗୁରୁଗ୍ରାମ ଏବଂ ସୋନୀପତ —

ସମସ୍ତଙ୍କର ବାୟୁ ଗୁଣମାନ ସୂଚକାଙ୍କ ଗୁରୁତର ଶ୍ରେଣୀରେ ରହିଛି। ଏହାକୁ ଦୃଷ୍ଟିରେ ରଖି

ଦିଲ୍ଲୀ-ଏନ୍‌ସିଆରରେ ଗ୍ରେଡେଡ୍ ରିସ୍ପନ୍ସ ଆକ୍ସନ୍ ପ୍ଲାନ୍ (ଗ୍ରେପ୍)ର ଚତୁର୍ଥ ପର୍ଯ୍ୟାୟ

ଲାଗୁ କରାଯାଇଛି।

ଦିଲ୍ଲୀ ସରକାରଙ୍କ ଶିକ୍ଷା

ନିର୍ଦ୍ଦେଶାଳୟ ସମସ୍ତ ସ୍କୁଲକୁ ନବମ ଓ ଏକାଦଶ ଶ୍ରେଣୀ ପର୍ଯ୍ୟନ୍ତ କ୍ଲାସ୍‌ଗୁଡ଼ିକୁ

ହାଇବ୍ରିଡ୍ ମୋଡ୍‌ରେ ଚଳାଇବାକୁ ନିର୍ଦ୍ଦେଶ ଦେଇଛି। ସରକାର ଏହି ପର୍ଯ୍ୟାୟର ସମସ୍ତ

ପ୍ରତିବନ୍ଧକୁ କଡାକଡି ଭାବେ ଲାଗୁ କରି ସମସ୍ତଙ୍କୁ ଏହାର ପାଳନ କରିବାକୁ ଅନୁରୋଧ କରିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା