ଚେନ୍ନାଇ, 13 ଡିସେମ୍ବର (ହି.ସ.)- ତାମିଲନାଡୁ
ବିଜେପି ଅଧ୍ୟକ୍ଷ ନୈନାର ନାଗେନ୍ଦ୍ରନ ଆଜି ଶନିବାର ଦିଲ୍ଲୀରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ
ଶାହଙ୍କ ସହ ସାକ୍ଷାତ୍ କରିବେ।
ତାମିଳନାଡୁ ବିଧାନସଭା
ନିର୍ବାଚନ ନିକଟ ଆସୁଥିବା ସହିତ ବିଭିନ୍ନ ରାଜନୈତିକ ଦଳମାନଙ୍କର କାର୍ଯ୍ୟକଳାପ ଜୋର ଧରିଛି।
ବରିଷ୍ଠ ବିଜେପି ନେତା ଏବଂ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ 15 ଡିସେମ୍ବରରେ ତାମିଲନାଡୁ ଗସ୍ତ
କରିବେନ୍ତି। ତାଙ୍କ ଗସ୍ତକୁ ଦୃଷ୍ଟିରେ ରଖି ରାଜ୍ୟ ବିଜେପି ଅଧ୍ୟକ୍ଷ ନୈନାର ନାଗେନ୍ଦ୍ରନ
ତାଙ୍କ ସହ ସାକ୍ଷାତ୍ ପାଇଁ ଦିଲ୍ଲୀ ପହଞ୍ଚିଛନ୍ତି।
ନୈନାର ନାଗେନ୍ଦ୍ରନ ପୂର୍ବରୁ
ଏଆଇଏଡିଏମକେ ମହାସଚିବ ଏଡପ୍ପାଡ଼ି ପଲନିସ୍ୱାମୀଙ୍କ ସହ ମଧ୍ୟ ସାକ୍ଷାତ୍ କରିଥିଲେ। 10
ଡିସେମ୍ବରରେ ହୋଇଥିବା ଏଆଇଏଡିଏମକେ କାର୍ଯ୍ୟକାରିଣୀ ବୈଠକରେ ଗଠବନ୍ଧନ ସମ୍ପର୍କିତ ସିଦ୍ଧାନ୍ତ
ନେବା ପାଇଁ ଏଆଇଏଡିଏମକେ ନେତା ଏଡପ୍ପାଡ଼ି ପଲନିସ୍ୱାମୀଙ୍କୁ ଅଧିକାର ଦେବାର ନିଷ୍ପତ୍ତି
ନିଆଯାଇଥିଲା। ଏହି ସମୟରେ ବିଜେପି ରାଜ୍ୟ ଅଧ୍ୟକ୍ଷ ନୈନାର ନାଗେନ୍ଦ୍ରନ ଚେନ୍ନାଇର ଗ୍ରିନ୍
ଲେନରେ ଅବସ୍ଥିତ ଏଆଇଏଡିଏମକେ ନେତା ଏଡପ୍ପାଡ଼ି ପଲନିସ୍ୱାମୀଙ୍କ ଘରକୁ ଯାଇ ତାଙ୍କ ସହ
ଭେଟିଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
