ଇମ୍ଫାଲ, 13 ଡିସେମ୍ବର (ହି.ସ.)- ମଣିପୁରର ବିଭିନ୍ନ
ଜିଲ୍ଲାର ସୀମାବର୍ତ୍ତୀ ଓ ସମ୍ବେଦନଶୀଳ ଅଞ୍ଚଳଗୁଡ଼ିକରେ ସୁରକ୍ଷା ବଳ ଦ୍ୱାରା ଚାଲିଥିବା ତଲାଶି
ଅଭିଯାନରେ ଚୁରାଚାନ୍ଦପୁର ଜିଲ୍ଲାରୁ ଅସ୍ତ୍ର ଓ ଗୋଳାବାରୁଦର ଏକ ବଡ଼ ଭଣ୍ଡାର ଉଦ୍ଧାର
କରାଯାଇଛି।
ପୋଲିସ ମୁଖପାତ୍ର ଶନିବାର
କହିଛନ୍ତି ଯେ,
12 ଡିସେମ୍ବର ତାରିଖରେ ମଣିପୁର ପୋଲିସ ଚୁରାଚାନ୍ଦପୁର ଥାନା ଅଞ୍ଚଳ
ଅନ୍ତର୍ଗତ ଖୁଗା ଡ୍ୟାମ ଅଞ୍ଚଳରେ ତଲାଶି ଅଭିଯାନ ସମୟରେ ସ୍ଥାନୀୟରେ ତିଆରି ହୋଇଥିବା ଏକ .303
ରାଇଫଲ, ବିଭିନ୍ନ ପ୍ରକାରର କାରତୁଜ ଏବଂ ଏକ ଇମ୍ପ୍ରୋଭାଇଜ୍ଡ ମର୍ଟାର ଉଦ୍ଧାର
କରିଛି।
ଉଦ୍ଧାର କରାଯାଇଥିବା
ସାମଗ୍ରୀ ମଧ୍ୟରେ ତିନିଟି ପିସ୍ତଲ ମ୍ୟାଗାଜିନ, 51
ମି.ମି. ମର୍ଟାର ସ୍ମୋକ ବମ୍, ଏକ ଷ୍ଟନ୍ ଗ୍ରେନେଡ୍, ଚାରିଟି ଇମ୍ପ୍ରୋଭାଇଜ୍ଡ ବିସ୍ଫୋଟକ, ଦୁଇଟି ବାଓଫେଙ୍ଗ ହାତଧରା ୱାୟରଲେସ୍ ସେଟ୍, ଦୁଇଟି ହେଲମେଟ, 12 ବୋରର
ଏକ କାର୍ତ୍ରିଜ ବେଲ୍ଟ, ଭିନ୍ନ-ଭିନ୍ନ କ୍ୟାଲିବରର 12
ରାଉଣ୍ଡ, ଦୁଇଟି ଏମ୍ୟୁନିସନ କ୍ଲିପ୍ ସହ ମ୍ୟାଗାଜିନ ଏବଂ ପିସ୍ତଲ ପାଉଚ୍ ସହିତ
ସୁସଜ୍ଜିତ ଏକ ଟ୍ୟାକ୍ଟିକାଲ ବେଲ୍ଟ ଅନ୍ତର୍ଭୁକ୍ତ ଅଛି।
ଅଧିକାରୀମାନେ କହିଛନ୍ତି ଯେ, ରାଜ୍ୟରେ ଶାନ୍ତି ଓ ଆଇନ-ଶୃଙ୍ଖଳା ବଜାୟ ରଖିବା ଉଦ୍ଦେଶ୍ୟରେ ଏପରି
ସଘନ ଅଭିଯାନଗୁଡ଼ିକ ଲଗାତାର ଜାରି ରହିଛି। ଉଦ୍ଧାର ହୋଇଥିବା ଅସ୍ତ୍ର ଓ ବିସ୍ଫୋଟକର ଉତ୍ସ ଏବଂ
ସେମାନଙ୍କର ସମ୍ଭାବ୍ୟ ବ୍ୟବହାର ସମ୍ପର୍କରେ ଆଗାମୀ ତଦନ୍ତ ଜାରି ଅଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
