କୋଲକାତା, ୧୫ ଡିସେମ୍ବର (ହି.ସ.)- ଭାରତୀୟ ଜନତା ପାର୍ଟି (ବିଜେପି)ର ରାଜ୍ୟସଭା ସାଂସଦ ତଥା ପଶ୍ଚିମବଙ୍ଗ ବିଜେପି ସଭାପତି ଶମୀକ ଭଟ୍ଟାଚାର୍ଯ୍ୟ ନୂଆଦିଲ୍ଲୀରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି । ତାଙ୍କ ସହିତ ଝାଡ଼ଖଣ୍ଡ ରାଜ୍ୟସଭା ସାଂସଦ ଦୀପକ ପ୍ରକାଶ ମଧ୍ୟ ଉପସ୍ଥିତ ଥିଲେ ।

ସୋମବାର ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଏକ ପୋଷ୍ଟରେ ଶମୀକ ଭଟ୍ଟାଚାର୍ଯ୍ୟ ଲେଖିଛନ୍ତି, ଝାଡ଼ଖଣ୍ଡର ମୋର ରାଜ୍ୟସଭା ସହଯୋଗୀ, ଦୀପକ ପ୍ରକାଶ ଏବଂ ମୁଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ ପଶ୍ଚିମବଙ୍ଗ ଏବଂ ଝାଡ଼ଖଣ୍ଡରେ ହେଉଥିବା ଜନସଂଖ୍ୟାଗତ ପରିବର୍ତନ ବିଷୟରେ ଆଲୋଚନା କରିଛୁ ।

ଦୁଇ ବିଜେପି ସାଂସଦ ପଶ୍ଚିମବଙ୍ଗ ଏବଂ ଝାଡ଼ଖଣ୍ଡରେ ହେଉଥିବା କଥିତ ଜନସଂଖ୍ୟାଗତ ପରିବର୍ତନ ପ୍ରସଙ୍ଗ ଗୃହମନ୍ତ୍ରୀଙ୍କ ସମ୍ମୁଖରେ ଉଠାଇଥିଲେ । ଏହି ସାକ୍ଷାତର ଲକ୍ଷ୍ୟ ଥିଲା ସମ୍ପୃକ୍ତ ଦୁଇ ରାଜ୍ୟର ଜନସଂଖ୍ୟାଗତ ଚିନ୍ତା ପ୍ରତି କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିବା । ପଶ୍ଚିମବଙ୍ଗ ଏବଂ ଝାଡ଼ଖଣ୍ଡରେ ଜନସଂଖ୍ୟାଗତ ପରିବର୍ତନକୁ ନେଇ ରାଜନୈତିକ ବିତର୍କ ମଧ୍ୟରେ ଏହି ବୈଠକ ସାମ୍ନାକୁ ଆସିଛି । ବିଜେପି ନେତାମାନେ ଏହି ପ୍ରସଙ୍ଗକୁ ଗମ୍ଭୀରତାର ସହ ନେଇଛନ୍ତି ଏବଂ କେନ୍ଦ୍ର ଗୃହ ମନ୍ତ୍ରଣାଳୟର ଦୃଷ୍ଟି ଆକର୍ଷଣ କରିଛନ୍ତି । ଗୃହମନ୍ତ୍ରୀ ଅମିତ ଶାହ ଉଭୟ ସାଂସଦଙ୍କ କଥା ଶୁଣିଛନ୍ତି ଏବଂ ଏ ପ୍ରସଙ୍ଗରେ ପରବର୍ତୀ କାର୍ଯ୍ୟାନୁଷ୍ଠାନର ସମ୍ଭାବନା ବିଷୟରେ ଆଲୋଚନା କରିଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ