ନୂଆଦିଲ୍ଲୀ, ଡିସେମ୍ବର 15 (ହି.ସ)-ଚେନ୍ନାଇରେ

ଅନୁଷ୍ଠିତ ଏସଡିଏଟି ସ୍କ୍ୱାସ୍ ବିଶ୍ୱକପ୍‌ରେ ଭାରତୀୟ ସ୍କ୍ୱାସ୍ ଦଳର ବିଜୟ

ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହ ଦେଶବାସୀଙ୍କୁ ଅଭିନନ୍ଦନ

ଜଣାଇଛନ୍ତି। ରବିବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ଭାରତ ହଂକଂକୁ 3-0 ଗୋଲରେ ପରାସ୍ତ

କରି ପ୍ରଥମ ଥର ପାଇଁ ସମ୍ମାନଜନକ ଟାଇଟଲ୍ ଜିତିଛି। ଏହି ପ୍ରଭାବଶାଳୀ ବିଜୟ ସହିତ, ଭାରତୀୟ ଦଳ ପ୍ରଥମ ଥର ପାଇଁ ସ୍କ୍ୱାସ୍ ବିଶ୍ୱକପ୍‌ର

ଚାମ୍ପିଅନ୍ ହୋଇଛି। ଭାରତୀୟ ଦଳକୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ପ୍ରଥମ ଥର ପାଇଁ ବିଶ୍ୱକପ୍ ଜିତିବା ପାଇଁ ଭାରତୀୟ

ସ୍କ୍ୱାସ୍ ଦଳକୁ ହାର୍ଦ୍ଦିକ ଅଭିନନ୍ଦନ। ଜୋଶ୍ନା ଚିନ୍ନାପ୍ପା, ଅଭୟ ସିଂହ, ବେଲାୱାନ ସେନ୍ଥିଲ୍

କୁମାର ଏବଂ ଅନାହତ ସିଂହ ଅସାଧାରଣ ସମର୍ପଣ ଏବଂ ଦୃଢ଼ ପ୍ରତିବଦ୍ଧତା ପ୍ରଦର୍ଶନ କରିଛନ୍ତି।

ସେମାନଙ୍କ ସଫଳତା ସମଗ୍ର ଦେଶକୁ ଗର୍ବିତ କରେ ଏବଂ ଯୁବପିଢ଼ିଙ୍କ ମଧ୍ୟରେ ସ୍କ୍ୱାସ୍ର

ଲୋକପ୍ରିୟତା ମଧ୍ୟ ବୃଦ୍ଧି କରିବ। କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ

ପ୍ରଥମ ଥର ପାଇଁ ସ୍କ୍ୱାସ୍ ବିଶ୍ୱକପ୍ ଜିତି ଟିମ୍ ଇଣ୍ଡିଆ ଦେଶ ପାଇଁ ଗୌରବମୟ ଇତିହାସ ସୃଷ୍ଟି

କରିଛି। ସବୁଠାରୁ କଠିନ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରିବାରେ ପ୍ରଦର୍ଶିତ ଅଦମ୍ୟ କ୍ରୀଡ଼ା

ମନୋଭାବ ଏବଂ ଦକ୍ଷତା ଆଗାମୀ ପ୍ରତିଭାମାନଙ୍କ ପାଇଁ ପ୍ରେରଣା ସ୍ୱରୂପ କାର୍ଯ୍ୟ କରିବ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା