ଢାକା, 24 ଡିସେମ୍ବର (ହି.ସ.)- ବାଂଲାଦେଶ ନ୍ୟାସନାଲିଷ୍ଟ ପାର୍ଟି (ବିଏନପି)ର କାର୍ଯ୍ୟକାରୀ
ଅଧ୍ୟକ୍ଷ ତାରିକ୍ ରହମାନ ୧୭ ବର୍ଷର ଦୀର୍ଘ ନିର୍ବାସନ ପରେ କାଲି (୨୫ ଡିସେମ୍ବର) ତାଙ୍କ
ସ୍ତ୍ରୀ ଓ କନ୍ୟା ସହିତ ସ୍ୱଦେଶକୁ ଫେରୁଛନ୍ତି। ତିନିଜଣେ ଲଣ୍ଡନର ହିଥ୍ରୋ ବିମାନବନ୍ଦରରୁ ବାଂଲାଦେଶ
ସମୟାନୁସାରେ ସନ୍ଧ୍ୟା ୬:୧୫ରେ ବିମାନ ବାଂଲାଦେଶ ଏୟାରଲାଇନ୍ସର ଏକ ଫ୍ଲାଇଟ୍ରେ ଯାତ୍ରା ଆରମ୍ଭ
କରିବେ। ଆଶା କରାଯାଉଛି ଯେ ସେମାନେ କାଲି ଦ୍ୱିପ୍ରହର ସମୟରେଲହଟ ହୋଇ ଢାକାର ହଜରତ ଶାହଜାଲାଲ
ଆନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବେ।
ବିଏନପିର ସ୍ଥାୟୀ କମିଟି ସଦସ୍ୟମାନେ ତାଙ୍କୁ ସ୍ୱାଗତ କରିବେ। ଏହା
ପରେ ସେ ସଡ଼କ ମାର୍ଗରେ ପୂର୍ବାଚଳର ୩୦୦ ଫୁଟ୍ ଅଞ୍ଚଳରେ ଆୟୋଜିତ ଏକ ସ୍ୱାଗତ କାର୍ଯ୍ୟକ୍ରମରେ
ଯୋଗ ଦେବେ। ପାର୍ଟିର ନେତା ଓ କର୍ମୀମାନେ ତାଙ୍କୁ ସ୍ୱାଗତ କରିବା ପାଇଁ ସଡ଼କର ଦୁଇ ପାର୍ଶ୍ୱରେ
ରହିବେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
