କୁଚବିହାର,୨୪ ଡିସେମ୍ବର (ହିସ)- ବାଂଲାଦେଶରେ ହିନ୍ଦୁ ଯୁବକ ଦୀପୁ ଦାସଙ୍କୁ ଜୀବନ୍ତ ଜାଳି ଦେବା ପ୍ରତିବାଦରେ ବୁଧବାର ଚେଙ୍ଗରାବଂନ୍ଧା ଅନ୍ତର୍ଜାତୀୟ ସୀମାରେ ପ୍ରବଳ ଜନ ଅସନ୍ତୋଷ ଦେଖାଦେଇଥିଲା। ସଚେତନ ହିନ୍ଦୁ ସମାଜ ଦ୍ୱାରା ଡାକରାଯାଇଥିବା ପ୍ରତିବାଦ ଶୋଭାଯାତ୍ରାରେ ବହୁ ସଂଖ୍ୟକ ଲୋକ ଅଂଶଗ୍ରହଣ କରିଥିଲେ।
ନୂତନ ହନୁମାନ ମନ୍ଦିରରୁ ଆରମ୍ଭ ହୋଇଥିବା ଏହି ଶୋଭାଯାତ୍ରା ଏସିଆନ୍ ହାଇୱେ ଦେଇ ଇମିଗ୍ରେସନ ଜିରୋ ପଏଂଟ ପର୍ଯ୍ୟନ୍ତ ଯାତ୍ରା କରିଥିଲା। ପ୍ରଦର୍ଶନକାରୀମାନେ ବାଂଲାଦେଶର ମଧ୍ୟବର୍ତୀକାଳୀନ ସରକାର ଏବଂ କଟରପନ୍ଥୀଙ୍କ ବିରୁଦ୍ଧରେ ସ୍ଲୋଗାନ ଦେଇଥିଲେ ଏବଂ ମହମ୍ମଦ ୟୁନୁସଙ୍କ କୁଶପୁତଳିକା ଏବଂ ବାଂଲାଦେଶ ପତାକା ଜଳାଇଥିଲେ।
ପ୍ରତିବାଦ ନେତାମାନେ ଦୀପୁ ଦାସଙ୍କ ହତ୍ୟା ପାଇଁ ଦାୟୀ ଲୋକଙ୍କୁ କଠୋର ଦଣ୍ଡ ଏବଂ ବାଂଲାଦେଶରେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ବନ୍ଦ କରିବାକୁ ଦାବି କରିଥିଲେ। ସୀମା ପାରରୁ ଆସିଥିବା କିଛି ବାଂଲାଦେଶୀ ହିନ୍ଦୁ ନାଗରିକ ମଧ୍ୟ ପ୍ରଦର୍ଶନକୁ ସମର୍ଥନ କରି କହିଥିଲେ ଯେ ସେଠାରେ ସଂଖ୍ୟାଲଘୁଙ୍କ ପରିସ୍ଥିତି ଅତ୍ୟନ୍ତ ଭୟଙ୍କର।
ଚୌରଙ୍ଗି ଅଂଚଳରେ ବୁଧବାର ସନ୍ଧ୍ୟାରେ ସମାନ ପ୍ରସଙ୍ଗରେ ଆଉ ଏକ ପ୍ରତିବାଦ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ବାଂଲାଦେଶରେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ଯୋଗୁଁ ଭାରତର ସୀମାନ୍ତ ଅଂଚଳରେ ପରିବେଶ ଉତେଜନାପୂର୍ଣ୍ଣ ରହିଛି।
--------------------
---------------
ହିନ୍ଦୁସ୍ଥାନ ସମାଚାର / ଗଗନ