ସୁବର୍ଣ୍ଣପୁର, ୨୭ ଡିସେମ୍ବର (ହି.ସ.)- ସୁବର୍ଣ୍ଣ ଭାରତୀ ପରିବାର ପକ୍ଷରୁ ଅନୁଷ୍ଠିତ ୨୫ କୁଣ୍ଡୀୟ ଯଜ୍ଞ ମହୋତ୍ସବ ଓ ସାଧୁ ସନ୍ୟାସୀ ସମାବେଶ ଅବସରରେ ମୁଖ୍ୟ ଅତିଥି ଭାବରେ ବୌଦ୍ଧ ବିଧାୟକ ତଥା ଓଡ଼ିଶା ବିଧାନ ସଭା ଚିଫ୍ ହିପ୍ ସରୋଜ କୁମାର ପ୍ରଧାନ ଯୋଗଦେଇ ଆମ ସୁରକ୍ଷା ପାଇଁ ହିନ୍ଦୁ ଧର୍ମ ସଂସ୍କୃତିକୁ ବଞ୍ଚାଇବାକୁ ପଡ଼ିବ l ବିକଶିତ ଭାରତ ପାଇଁ ଓ ସମୃଦ୍ଧ ରାଷ୍ଟ୍ର ନିର୍ମାଣ ପାଇଁ ଆମ ଭିତରେ ଏକତା ଜରୁରୀ ହୋଇପଡ଼ିଛି ବୋଲି ବୋଲି ମତ ରଖି ଭାରତ ସରକାରଙ୍କ ୱାନ ନେସନ୍ ୱାନ ଏଜୁକେଶନ ପଲିସି ଉପରେ ଗୁରୁତ୍ବାରୋପ କରିଥିଲେ । ସମ୍ମାନିତ ଅତିଥି ଭାବରେ ସୋନପୁର କଲେଜର ପ୍ରଫେସର ରାଧାକାନ୍ତ ନାଏକ ମୁଖ୍ୟବକ୍ତା ଭାବେ ଉଦ୍ୟାନ ବିଭାଗ ସହ ନିର୍ଦ୍ଦେଶକ ହୃଷିକେଶ ଦାସ, ବକ୍ତା ଲକ୍ଷ୍ଣଣ କୁମାର ଶାସ୍ତ୍ରୀ, (ପ୍ରବଚକ ) ସୁବର୍ଣ୍ଣଭାରତୀ ପରିବାର ପ୍ରମୁଖ ଶିବ ପ୍ରସାଦ ପାତ୍ର ପ୍ରମୁଖ ଯୋଗଦେଇ ଆମ ଧର୍ମ ସଂସ୍କୃତି ପରମ୍ପରା ଓ ଏକତା ଆମରି ଗୌରବ ଓ ଆମ ସୁରକ୍ଷା ବୋଲି ମତ ରଖିଥିଲେ। ସୁବର୍ଣ୍ଣ ଭାରତୀ ପରିବାରର ପ୍ରମୁଖ ଶିବ ପ୍ରସାଦ ପାତ୍ର ସ୍ବାଗତ ଭାଷଣ ପ୍ରଦାନ କରିଥିବା ବେଳେ ସୁନନ୍ଦା ସାହୁ ସଭା ସଂଯୋଜନା କରିଥିଲେ l ଅଧ୍ୟାପକ ଉମାକାନ୍ତ ନାଗ ଧନ୍ୟବାଦ ଅର୍ପଣ କରିଥିଲେ। ଆର୍ଯ୍ୟରତ୍ନ ସମ୍ମାନରେ ୩ ଜଣ, ଆର୍ଯ୍ୟ ଗୌରବ ସମ୍ମାନରେ ୨୭ ଜଣ, ଆର୍ଯ୍ୟ ଦମ୍ପତି ସମ୍ମାନରେ ଗୋଟାଏ ଦମ୍ପତି ଓ ମୂତ୍ୟାଲ୍ଲୁ ଆମ୍ମା ସ୍ମୃତି ସମ୍ମାନରେ ୧୩ ଜଣ ବିଶିଷ୍ଟ ବ୍ୟକ୍ତିଙ୍କୁ ଆଜି ମୁଖ୍ୟ ଅତିଥି ବିଧାନସଭା ଚିଫ ହ୍ୱିପ ସରୋଜ କୁମାର ପ୍ରଧାନଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା l

ଏହି ଉତ୍ସବରେ ବିଭିନ୍ନ ଅଞ୍ଚଳରୁ ଶହ ଶହ ସାଧୁ ସନ୍ୟାସୀ ସହରର ବୁଦ୍ଧିଜିବୀ, ମହିଳା, ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ l ଭାରତ ବିକାଶ ପରିଷଦ ସଭାପତି ଦୂର୍ଯୋଧନ ସାହୁ, ନନ୍ଦିନୀ ଶତପଥୀ, କବିତା ପଧାନ, ସୁଭାଷିନୀ ଷଡ଼ଙ୍ଗୀ ପ୍ରମୁଖ ଉଭୟ ଅନୁଷ୍ଠାନର ସମସ୍ତ ସଦସ୍ୟ କାର୍ଯ୍ଯକ୍ରମରେ ସହଯୋଗ କରିଥିଲେ l

ହିନ୍ଦୁସ୍ଥାନ ସମାଚାର / ଗୋପବନ୍ଧୁ