ନୂଆଦିଲ୍ଲୀ, ୬ ଡିସେମ୍ବର (ହି.ସ.)- ଛାତ୍ର, ଅଭିଭାବକ ଏବଂ ଶିକ୍ଷକଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରମୁଖ କାର୍ଯ୍ୟକ୍ରମ, ପରୀକ୍ଷା ପେ ଚର୍ଚ୍ଚା, ଜାନୁଆରୀ ୨୦୨୬ ରେ ଏହାର ନବମ ସଂସ୍କରଣ ସହିତ ଆୟୋଜିତ ହେବ । ପରୀକ୍ଷା ସମ୍ବନ୍ଧୀୟ ଚିନ୍ତାଧାରା, ସକାରାତ୍ମକ ପ୍ରସ୍ତୁତି ଏବଂ ପରୀକ୍ଷାକୁ ଉତ୍ସବ ଭଳି ପାଳନର ଚିନ୍ତାଧାରା ଉପରେ ଆଧାରିତ ଏହି ଅନନ୍ୟ କାର୍ଯ୍ୟକ୍ରମରେ ଭାରତ ଏବଂ ବିଦେଶର ଅଂଶଗ୍ରହଣକାରୀମାନେ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରୁଛନ୍ତି ।
ଶିକ୍ଷା ମନ୍ତ୍ରଣାଳୟ ଶନିବାର କହିଛି ଯେ, କାର୍ଯ୍ୟକ୍ରମ ପାଇଁ ଅଂଶଗ୍ରହଣକାରୀମାନଙ୍କୁ ଚୟନ କରିବା ପାଇଁ ଏକ ଅନ୍ ଲାଇନ୍ ଏମସିକ୍ୟୁ ଆଧାରିତ ପ୍ରତିଯୋଗିତା ମାଇଁଗଭ ପୋର୍ଟାଲରେ ଡିସେମ୍ବର ୧, ୨୦୨୫ ରୁ ଜାନୁଆରୀ ୧୧, ୨୦୨୬ ପର୍ଯ୍ୟନ୍ତ ଆୟୋଜିତ ହେଉଛି । ଷଷ୍ଠରୁ ୧୨ ଶ୍ରେଣୀର ଛାତ୍ରଛାତ୍ରୀ, ଶିକ୍ଷକ ଏବଂ ଅଭିଭାବକମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରିପାରିବେ । ପଞ୍ଜିକରଣ ପୂରଣ କରିଥିବା ସମସ୍ତ ଅଂଶଗ୍ରହଣକାରୀଙ୍କୁ ମାଇଁଗଭ ପକ୍ଷରୁ ଅଂଶଗ୍ରହଣ ପ୍ରମାଣପତ୍ର ପ୍ରଦାନ କରାଯିବ ।
ପରୀକ୍ଷା ପେ ଚର୍ଚ୍ଚାର ୮ମ ସଂସ୍କରଣ ୧୦ ଫେବୃଆରୀ, ୨୦୨୫ ରେ ପ୍ରସାରିତ ହୋଇଥିଲା ଏବଂ ଏହା ଏକ ଅଭିନବ ଢାଂଚାରେ ନୂଆଦିଲ୍ଲୀର ସୁନ୍ଦର ନର୍ସରୀରେ ଅନୁଷ୍ଠିତ ହୋଇଥିଲା । ଦେଶର ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଂଚଳରୁ ୩୬ ଜଣ ଛାତ୍ର ପ୍ରତିନିଧି ଏଥିରେ ଅଂଶଗ୍ରହଣ କରିଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ