ନୂଆଦିଲ୍ଲୀ, ୭ ଡିସେମ୍ବର (ହି.ସ.)- ରାୟପୁର-ବିଶାଖାପାଟଣା ଅର୍ଥନୈତିକ କରିଡର ପ୍ରକଳ୍ପ ୨୦୨୬ ଡିସେମ୍ବର ସୁଦ୍ଧା ସମାପ୍ତ ହେବ । ଏହା ସମାପ୍ତ ହେବା ସହିତ, ଛତିଶଗଡ଼, ଓଡ଼ିଶା ଏବଂ ଆନ୍ଧ୍ରପ୍ରଦେଶ ମଧ୍ୟରେ ଯାତ୍ରା ଦୂରତା ୫୯୭ କିଲୋମିଟରରୁ ୪୬୫ କିଲୋମିଟରକୁ ହ୍ରାସ ପାଇବ, ଯେତେବେଳେକି ଯାତ୍ରା ସମୟ ୧୨ ଘଂଟାରୁ ୫ ଘଂଟାକୁ ହ୍ରାସ ପାଇବ ।
ପ୍ରଧାନମନ୍ତ୍ରୀ ଗତି ଶକ୍ତି ଯୋଜନା ଅଧୀନରେ ଭାରତୀୟ ଜାତୀୟ ରାଜପଥ ପ୍ରାଧିକରଣ (ଏନଏଚଏଆଇ) ଦ୍ୱାରା ୧୬,୪୮୨ କୋଟି ଟଙ୍କା ବ୍ୟୟରେ ଏହି ୬ ଲେନ୍ ବିଶିଷ୍ଟ ଗ୍ରୀନଫିଲ୍ଡ ରାଜପଥ ପ୍ରକଳ୍ପ ନିର୍ମାଣ କରାଯାଉଛି । ପ୍ରବେଶ-ନିୟନ୍ତ୍ରିତ ପ୍ରଯୁକ୍ତିବିଦ୍ୟା ସହିତ ନିର୍ମିତ, ଏହି ରାଜପଥର ଡିଜାଇନ୍ ଗତି ଘଂଟା ପ୍ରତି ୧୦୦ କିଲୋମିଟର ହେବ, ଯାହା ଦ୍ରୁତ, ସୁରକ୍ଷିତ ମାଲ ପରିବହନ ଏବଂ ଯାତ୍ରୀ ପରିବହନ ସୁନିଶ୍ଚିତ କରିବ ।
ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଅନୁଯାୟୀ, ଏହି କରିଡରର ସମାପ୍ତି ଛତିଶଗଡ଼ ଏବଂ ଓଡ଼ିଶାର ଶିଳ୍ପ କ୍ଷେତ୍ରଗୁଡ଼ିକୁ ବିଶାଖାପାଟଣା ବନ୍ଦର ଏବଂ ଚେନ୍ନାଇ-କୋଲକାତା ଜାତୀୟ ରାଜପଥ ସହିତ ସିଧାସଳଖ ସଂଯୋଗ ପ୍ରଦାନ କରିବ । ଏହା ଲଜିଷ୍ଟିକ୍ସ ଖର୍ଚ୍ଚ ହ୍ରାସ କରିବ, ଯୋଗାଣ ଶୃଙ୍ଖଳାକୁ ସୁଦୃଢ଼ କରିବ ଏବଂ ରପ୍ତାନିକୁ ବୃଦ୍ଧି କରିବ । ଏଥି ସହିତ ବର୍ତମାନର ୨-ଲେନ୍ ଏନଏଚ-୨୬ ରେ ଟ୍ରାଫିକ ଭିଡ଼କୁ ମଧ୍ୟ କମ୍ କରିବ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ