ଚଣ୍ଡିଗଡ, 25 ଫେବ୍ରୁଆରି (ହି.ସ.)
- ପଂଜାବ ସରକାର
ବିଧାନସଭାର ଦୁଇ ଦିବସୀୟ ବିଶେଷ ଅଧିବେଶନରେ ମଙ୍ଗଳବାର ଦିଲ୍ଲୀରେ ନିକଟରେ ଗଠନ ହୋଇଥିବା
ବିଜେପି ସରକାର ବିରୁଦ୍ଧରେ ନିନ୍ଦା ପ୍ରସ୍ତାବ ପାରିତ କରିଛନ୍ତି । ପଂଜାବ ସରକାରଙ୍କ ଅଭିଯୋଗ
ଯେ, ଦିଲ୍ଲୀରେ ଗଠନ ବିଜେପି ସରକାରର ମୁଖ୍ୟମନ୍ତ୍ରୀ ଓ ମନ୍ତ୍ରୀମାନେ ପଦଭାଗ ଗ୍ରହଣ କରିବା
ମାତ୍ରେ ହିଁ ନିଜ କାର୍ଯ୍ୟାଳୟରେ ଲାଗିଥିବା ସମ୍ବିଧାନ ନିର୍ମାତା ବାବା ସାହେବ ଆମ୍ବେଦକର ତଥା
ସହିଦ ଭଗତ ସିଂହଙ୍କ ଫଟୋକୁ କାଢି ଦେଇଛନ୍ତି ।
ପଂଜାବର ସଂସଦୀୟ
କାର୍ଯ୍ୟମନ୍ତ୍ରୀ ଅମନ ଅରୋଡା ମଙ୍ଗଳବାର ଏ ସଂପର୍କରେ ପ୍ରସ୍ତାବ ଆଗତ କରି କହିଛନ୍ତି
ଯେ,ଦିଲ୍ଲୀ ସରକାରର ମୁଖ୍ୟମନ୍ତ୍ରୀ ଓ ଅନ୍ୟ ମନ୍ତ୍ରୀମାନେ କାର୍ଯ୍ୟାଳୟରେ ଲାଗିଥିବା ବାବା
ସାହେବ ଓ ସହିଦ ଭଗତ ସିଂହଙ୍କ ଫଟୋକୁ କାଢିବା ବିଜେପିର ଦଳିତ ଓ ସହିଦଙ୍କ ପ୍ରତି ବିଚାରଧାରାକୁ
ଦର୍ଶାଇଥାଏ ।
ଏ ସଂପର୍କରେ ନିନ୍ଦା
ପ୍ରସ୍ତାବ ପାରିତ କରି ଭାରତର ରାଷ୍ଟ୍ରପତିକୁ ପଠାଯିବ ଏବଂ ଏହା ସୁନିଶ୍ଚିତ କରିବାର ଦାବି
କରାଯିବ ଯେ, ସହିଦଙ୍କୁ ଉଚିତ ମାନ ସମ୍ମାନ ମିଳୁ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା