କେନ୍ଦୁଝର, 14 ଜୁନ୍ (ହି.ସ.)

କେନ୍ଦୁଝର ଜିଲ୍ଲା ସ୍ବାସ୍ଥ୍ୟ ସମିତି ପକ୍ଷରୁ ଆଜି ବିଶ୍ବ ରକ୍ତଦାତା ଦିବସ ଡିଟିୟୁ ପ୍ରେକ୍ଷାଳୟ ରେ ଆୟୋଜିତ ହୋଇଯାଇଛି ।ଜିଲ୍ଲା ରକ୍ତକେନ୍ଦ୍ର ଅଧିକାରୀ ଡକ୍ଟର ରମାକାନ୍ତ ମୁଣ୍ଡ ସମାରୋହ ରେ ଅଧ୍ୟକ୍ଷତା କରି ଆଜିର ସମୟରେ ରକ୍ତଦାନର ଉପାଦେୟତା ଓ ଆବଶ୍ୟକତା ସମ୍ପର୍କରେ ଗଭୀର ଆଲୋଚନା କରିଥିଲେ । ସମ୍ମାନିତ ଅତିଥି ରେଡକ୍ରସ ଆଜୀବନ ସଦସ୍ୟ ଡକ୍ଟର ସଂଜୀବ ଓତା ସାମ୍ପ୍ରତିକି ସ୍ଥିତି ରେ ଯୁବସମାଜ ରକ୍ତଦାନ ପାଇଁ ଆଗଭର ହୋଇ ସମାଜକଲ୍ୟାଣ ରେ ନିଜକୁ ନିୟୋଜିତ କରିବାକୁ ପରାମର୍ଶ ଦେଇଥିଲେ ,ମୁଖ୍ୟ ଅତିଥି ଜିଲ୍ଲା ରେଡକ୍ରସ ଯୁଗ୍ମ ସମ୍ପାଦକ ଏ ଆର ଖାନ ଉପସ୍ଥିତ ରକ୍ତଦାତା ସ୍ବେଚ୍ଛାସେବୀ ଓ ନାଗରିକ ମାନଙ୍କ ସହିତ ମତବିନିମୟ କରି ରକ୍ତଦାନ ।ରକ୍ତବର୍ଗୀକରଣ ,ଉପକାରିତା ,ଆବଶ୍ୟକତା ଓ ସାମୁହିକ ଉଦ୍ୟମ ,ସଚେତନତା ସମ୍ପର୍କରେ ଦୀର୍ଘ ଆଲୋଚନା କରିଥିଲେ ,ଜିଲ୍ଲା ଜନସ୍ୱାସ୍ଥ୍ୟ କମ୍ୟୁନିକେଶନ ଅଧିକାରୀ ଭରତ ଚନ୍ଦ୍ର ସାହୁ ସମାରୋହ ପରିଚାଳନା କରିବା ସହିତ ରକ୍ତଦାନ ସଚେତନତା କାରଜ୍ୟକ୍ରମ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ । ଅବକାରୀ ନିରିକ୍ଷକ ବେଣୁଧର ସାମଲ ଏ ଅବସର ରେ ରକ୍ତଦାନ କରିବା ସହିତ ନିଶା ରୁ ଦୂରେଇରହିବା ପାଇଁ ପରାମର୍ଶ ଦେଇଥିଲେ ,ପରିସଂଖ୍ୟାନ ସହାୟକ ବୃନ୍ଦାବନ ସାହୁ ,ଏଏନଏମ ଅଧ୍ୟକ୍ଷା ମାନସୀ ଧଳ ନିଜସ୍ବ ମତାମତ ଉପସ୍ଥାପନ କରିଥିଲେ । ରକ୍ତକେନ୍ଦ୍ର ଜନସମ୍ପର୍କ ଅଧିକାରୀ ଅକ୍ଷୟ ସାହୁ ଧନ୍ୟବାଦ ଅର୍ପଣ କରିଥିଲେ ,ରକ୍ତଦାନ କ୍ଷେତ୍ର ରେ ଉଲ୍ଲେଖନୀୟ ଅବଦାନ ପାଇଁ ଚଳିତବର୍ଷ ଆକାଶ ରାଜ , ଅଂଶୁମାନ ଚକ୍ରବର୍ତୀ , ବବିତା ରାମ ,ରାଜେଶ ରଣା ,ଦେବାଶିଷ ଦାଶ ,ଇଣ୍ଡିଆନ ବାଇ ବାର୍ଥ , ଭରସା ପରିବାର ,ଉତ୍କଳ ରକ୍ଷକ ଫାଉଣ୍ଡେସନ ,ପରିବର୍ତନ ସେବା ଟ୍ରଷ୍ଟ ,ପ୍ରଗତି ଫାଉଣ୍ଡେସନ ,ଲାଇଫ ସେବା ଟ୍ରଷ୍ଟ ଙ୍କୁ ମାନପତ୍ର ଓ ଟ୍ରଫି ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା , ଏ ଅବସରରେ ଜିଲ୍ଲା ରକ୍ତ କେନ୍ଦ୍ର ରେ ଏକ ରକ୍ତଦାନ ଶିବିର ଆୟୋଜିତ ହୋଇଥିଲା

ହିନ୍ଦୁସ୍ଥାନ ସମାଚାର / SANTOSH MOHAPATRA