ଲକ୍ଷ୍ନୌ, 15 ଜୁନ୍ (ହି.ସ.)

- କେନ୍ଦ୍ରୀୟ ଗୃହ

ଏବଂ ସହକାରିତା ମନ୍ତ୍ରୀ ଅମିତ ଶାହା ରବିବାର ଦିନ କହିଛନ୍ତି ଯେ 11ଟି ରାଜ୍ୟରେ ବିସ୍ତାର ହୋଇଥିବା

ନକ୍ସାଲବାଦ ଏବେ କେବଳ 3ଟି ଜିଲ୍ଲାରେ ସୀମିତ ରହିଛି ଏବଂ 31 ମାର୍ଚ୍ଚ 2026 ପର୍ଯ୍ୟନ୍ତ ଭାରତ

ପୂର୍ଣ୍ଣ ଭାବେ ନକ୍ସଲମୁକ୍ତ ହୋଇଯିବ। ଆତଙ୍କବାଦ ବିରୋଧରେ ମଧ୍ୟ ମୋଦୀ ସରକାର ଏକ କଠୋର ଆଭିମୁଖ୍ୟ

ଆପଣାଇଛନ୍ତି । ପାକିସ୍ତାନ ତିନିଥର ଆତଙ୍କବାଦୀ ଆକ୍ରମଣ କରିବାକୁ ଚେଷ୍ଟା କଲା,

କିନ୍ତୁ ଭାରତ ପ୍ରତିଥର ଦୃଢ଼ ଉତ୍ତର ଦେଇଛି ଏବଂ

ଆତଙ୍କବାଦୀଙ୍କର ଠିକଣାଗୁଡ଼ିକୁ ଧ୍ୱଂସ କରିଛି। ଶାହା ଅପରେସନ୍ ସିନ୍ଦୂର କଥା

ଉଠାଇ କହିଛନ୍ତି ଯେ ଭାରତୀୟ ବାୟୁସେନା ଆତଙ୍କବାଦୀଙ୍କ ମୁଖ୍ୟାଳୟକୁ ଧ୍ୱଂସ କରିଦେଇଛି।

କେନ୍ଦ୍ରୀୟ ଗୃହ ମନ୍ତ୍ରୀ

ରବିବାର ଦିନ ଲକ୍ଷ୍ନୌରେ ବୃନ୍ଦାବନ ଯୋଜନା, ସେକ୍ଟର 18ରେ ସ୍ଥିତ ଡିଫେନ୍ସ ଏକ୍ସପୋ ଗ୍ରାଉଣ୍ଡରେ ଆୟୋଜିତ ଏକ କାର୍ଯ୍ୟକ୍ରମକୁ ଉଦ୍‌ବୋଧନ

କରୁଛନ୍ତି । ଏହି କାର୍ଯ୍ୟକ୍ରମରେ 60,244 ନବଚୟିତ ପୋଲିସ କର୍ମଚାରୀଙ୍କୁ ନିଯୁକ୍ତିପତ୍ର

ବିତରଣ କରାଯାଇଥିଲା। ତାଙ୍କର ଉଦ୍‌ବୋଧନରେ ଅମିତ ଶାହା ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ

ଆଦିତ୍ୟନାଥଙ୍କର ପାରଦର୍ଶୀ ଏବଂ ସମାବେଶୀ ନିଯୁକ୍ତି ପ୍ରକ୍ରିୟାକୁ ପ୍ରଶଂସା କରିଥିଲେ। ସେ

କହିଥିଲେ ଯେ ଯୋଗୀ ଆଦିତ୍ୟନାଥ ସବୁଠାରୁ ସଫଳ ମୁଖ୍ୟମନ୍ତ୍ରୀ ଅଟନ୍ତି। ଯୋଗୀଙ୍କ ନେତୃତ୍ୱରେ

ଉତ୍ତର ପ୍ରଦେଶ ପୋଲିସ ନିଯୁକ୍ତି ପ୍ରକ୍ରିୟାକୁ ନିରପେକ୍ଷ ଏବଂ ଯୋଗ୍ୟତା ଆଧାରିତ କରାଯାଇଛି,

ସେହିପରି ପ୍ରତ୍ୟେକ ଜାତି,

ଜିଲ୍ଲା ଏବଂ ତହସିଲର ଯୁବକଙ୍କୁ ସୁଯୋଗ ଦେଇ ଏକ ନୂତନ

ଇତିହାସ ସୃଷ୍ଟି କରାଯାଇଛି। ଶାହା ଏହି ମାମଲାରେ ଗୁରୁତ୍ୱ ଦେଇ କହିଛନ୍ତି ଯେ ଏହି

ନିଯୁକ୍ତିଗୁଡ଼ିକୁ କେବଳ ପାରଦର୍ଶୀ ଏବଂ ଯୋଗ୍ୟତା ଆଧାରରେ କରାଯାଇଛି,

ଯେଉଁଥିରେ କୌଣସି ଖର୍ଚ୍ଚ,

ପର୍ଚା, ସୁପାରିଶ ବା ଜାତି ଆଧାରିତ ଭେଦଭାବ ହୋଇନାହିଁ।

.....

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା