କେନ୍ଦ୍ରାପଡ଼ା, ୧୯ ଜୁନ୍(ହି.ସ.) – ଜିଲ୍ଲା ର ଶ୍ରୀ ବଳଦେବଜୀଉଙ୍କ ଗୁଣ୍ଡିଚା ମନ୍ଦିର ସମ୍ମୁଖରେ ଅନୁଷ୍ଠିତ ଜିଲ୍ଲାସ୍ତରୀୟ ବିକାଶ ଓ ପଲ୍ଲିଶ୍ରୀ ମେଳାର ଉଦଯାପନୀ ସନ୍ଧ୍ୟାରେ ଜିଲ୍ଲାର ସର୍ବ ପୁରାତନ ସାଂସ୍କୃତିକ ଅନୁଷ୍ଠାନ ବାଗ ଦେବୀ କଳା ମନ୍ଦିର ତରଫରୁ ମନୋଜ୍ଞ ଭଜନ ସନ୍ଧ୍ୟା ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ସଂଗୀତ ନିର୍ଦେଶକ ସତ୍ୟ ପ୍ରିୟ ଦାସଙ୍କ ପରିଚାଳନା ଓ ସଂଯୋଜନାରେ ଓଡିଶା ର ଲୋକ ପ୍ରିୟ ଭଜନ ଗାୟକ ରୋହିତ ପାତ୍ର ସୁନାମ ଧନ୍ୟ କଣ୍ଠ ଶିଳ୍ପୀ ପ୍ରିୟଙ୍କା ପତି, ସନ୍ଧ୍ୟା ରାଣୀ ସାହୁ ସୋନାଲି ମଲିକ ରୁପାଲୀ ରୂପଜିତା ମଲିକ ପ୍ରମୁଖ କଣ୍ଠ ଶିଳ୍ପୀମାନେ ଏଥିରେ ଅଂଶଗ୍ରହଣ କରିଥିଲେ। ଭଜନ ସମ୍ରାଟ ଭିକାରୀ ବଳ ଓ ଲବ୍ଧ ପ୍ରୀତିଷ୍ଠିତ ଗାୟକ ଦିବାକର ମହାନ୍ତିଙ୍କ ବଳଦେବଜୀଉଙ୍କ ପୁରାତନୀ ଭଜନ ବନ୍ଦୟୀ ଶ୍ରୀ ବଳଦେବ ରୋହିଣୀ ନନ୍ଦନ ଗୀତ ଟି ରୋହିତ ପାତ୍ରଙ୍କ କଣ୍ଠ ରେ ମଂଚରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲା କେନ୍ଦ୍ରାପଡ଼ା ର ଗର୍ବ ଗୌରବ ସ୍ୱର୍ଗତ ଭିକାରୀ ବଳଙ୍କ ସାଠିଏ ପଉଟି ଭୋଗରୁ କୀଲାଗି ଡାକିବି ମହାବାହୁ ବୋଲି ଗୀତଗୁଡିକ ସତ୍ୟ ପ୍ରିୟ ଓ ପ୍ରିୟଙ୍କାଙ୍କ କଣ୍ଠ ରେ ଶ୍ରୋତା ମାନେ ଭାବ ବିହୋଳିତ ହୋଇ ଥିଲେ, ବାଦ୍ୟ ଯନ୍ତ୍ର ରେ ହିମାଂଶୁ କର. ହରିହର ମଲିକ, ରାମୁ. ପ୍ରମୁଖ ପରି ଚାଳନା କରି ଥିଲେ। ଜିଲ୍ଲା ସଂସ୍କୃତି ଅଧିକାରୀ କଳାକାରମାନଙ୍କୁ ପୁଷ୍ପ ମାଲ୍ୟ ଓ ଟ୍ରଫି ପ୍ରଦାନ କରିଥିଲେ।
ହିନ୍ଦୁସ୍ଥାନ ସମାଚାର/ରବି/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି
