ସମ୍ବଲପୁର, ୨୨ ଜୁନ୍ (ହି.ସ.)

ସମ୍ବଲପୁର ଟାଉନ ଥାନାରେ ପଦୋନ୍ନତି ପାଇ କାର୍ଯ୍ୟରତ ଏଏସଆଇ ବିଦ୍ୟୁତ୍‍ ପଣ୍ଡାଙ୍କୁ ତାଙ୍କ ଅଭ୍ୟାସଗତ କାରଣ ପାଇଁ ବିଭାଗ ପକ୍ଷରୁ ଏବେ ନିଳମ୍ବିତ କରାଯାଇ ଥିବା ଚର୍ଚ୍ଚାର ପ୍ରସଙ୍ଗ ହୋଇଛି । ସେ ଥାନା ମାଲଖାନାରୁ ଜବତ ୨ପେଟି କଫ୍‍ ସିରଫ ଚୋରି କରିଥିଲେ । ବିଦ୍ୟୁତ ପଣ୍ଡା ଗତ କିଛି ଦିନ ତଳେ କନେଷ୍ଟବଳରୁ ଏଏସଆଇକୁ ପଦୋନ୍ନତି ପାଇ ଟାଉନ୍ ଥାନାରେ କାର୍ଯ୍ଯରତ ଥିଲେ । ହେଲେ ତଳିଆ କର୍ମଚାରୀ ଭାବେ ତାଙ୍କର ଛୋଟବଡ଼ କାରନାମାକୁ ପୂର୍ବରୁ ଅଣଦେଖା କରାଯାଇ ଆସୁଥିବା ବେଳେ ପଦୋନ୍ନତି ପାଇବା ପରେ କଫ୍‍ ସିରଫ୍ ଚୋରି ନେଇ ଅଭିଯୋଗ ହେବା ପରେ ତୁରନ୍ତ ତାଙ୍କୁ ନିଲମ୍ବନ କରାଯାଇଥିବା କୁହାଯାଇଛି ।

---------------

ହିନ୍ଦୁସ୍ଥାନ ସମାଚାର / ଶୈଳେଶ