ନୂଆଦିଲ୍ଲୀ, ୨୨ ଜୁଲାଇ (ହି.ସ.)- ସଂସଦ ଅଧିବେଶନ ମଧ୍ୟଭାଗରେ ଉପରାଷ୍ଟ୍ରପତି ଜଗଦୀପ ଧନଖରଙ୍କ ଇସ୍ତଫା ଉପରେ ବିରୋଧୀ ଦଳ ପ୍ରଶ୍ନ ଉଠାଇଛି । କଂଗ୍ରେସ ମହାସଚିବ ଜୟରାମ ରମେଶ କାର୍ଯ୍ୟ ପରାମର୍ଶଦାତା କମିଟି (ବିଏସି) ର ଦ୍ୱିତୀୟ ବୈଠକରେ ତାଙ୍କ ଅନୁପସ୍ଥିତି ସହିତ ଇସ୍ତଫାକୁ ଯୋଡିଥିବା ବେଳେ, ଅଖିଳେଶ ଯାଦବ ଏହାକୁ ଏକ ବ୍ୟକ୍ତିଗତ ନିଷ୍ପତି ବୋଲି କହିଛନ୍ତି । କଂଗ୍ରେସ ସାଂସଦ କାର୍ତି ଚିଦାମ୍ବରମ ଏହାକୁ 'ସୋଭିଏତ୍ ଶୈଳୀ' ଇସ୍ତଫା ବୋଲି କହିଛନ୍ତି, ଯେଉଁଥିରେ ବରିଷ୍ଠ ଅଧିକାରୀମାନଙ୍କୁ ହଠାତ୍ ସେମାନଙ୍କ ପଦବୀରୁ ହଟାଇ ଦିଆଯାଇଥିଲା ।

ଜୟରାମ ରମେଶ କହିଛନ୍ତି ଯେ, ଧନଖର ସୋମବାର ଦିନ ୧୨ଟା ୩୦ ରେ ବିଏସିର ପ୍ରଥମ ବୈଠକରେ ଅଧ୍ୟକ୍ଷତା କରିଥିଲେ, ଯେଉଁଥିରେ ଜେପି ନଡ୍ଡା ଏବଂ ରିଜ୍ଜୁ ଉଭୟ ଉପସ୍ଥିତ ଥିଲେ । ଅପରାହ୍ନ ୪ଟା ୩୦ ରେ ପୁଣି ବୈଠକ ଅନୁଷ୍ଠିତ ହେବ ବୋଲି ନିଷ୍ପତି ନିଆଯାଇଥିଲା । ସନ୍ଧ୍ୟାରେ ସଦସ୍ୟମାନେ ପୁଣି ଏକାଠି ହେଲେ, ତେବେ ଉଭୟ ବରିଷ୍ଠ ନେତା କୌଣସି ସୂଚନା ବିନା ଅନୁପସ୍ଥିତ ଥିଲେ । ଧନଖରଙ୍କୁ ଏହି କଥା ଖରାପ ଲାଗିଲା ଏବଂ କିଛି ଘଂଟା ମଧ୍ୟରେ ତାଙ୍କ ଇସ୍ତଫା ପଦାକୁ ଆସିଲା ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ