ପାଟଣା, 23 ଜୁଲାଇ (ହି.ସ.)- ନେପାଳର ତରାଇ

ଅଞ୍ଚଳ ଓ ପଡୋଶୀ ରାଜ୍ୟରେ ହେଉଥିବା ପ୍ରବଳ ବର୍ଷାର ପ୍ରଭାବରେ ବିହାରରେ ଗଙ୍ଗା, କୋଶୀ ଓ ବୁଢ଼ି ଗଣ୍ଡକ ନଦୀର ଜଳସ୍ତର ବୃଦ୍ଧି ପାଇଛି। ଏହି ନଦୀର

ଜଳସ୍ତର ବଢ଼ିବା ଫଳରେ ୯ଟି ଜିଲ୍ଲା—ବକ୍ସର, ପାଟନା, ବୈଶାଳୀ, ସମସ୍ତିପୁର, ମୁଙ୍ଗେର, ବେଗୁସରାଏ, କଟିହାର, ଭାଗଲପୁର ଓ ଖଗଡ଼ିଆରେ ବନ୍ୟା ଆଶଙ୍କା ଦେଖାଦେଇଛି । ଜଳ ସଂଶାଧନ

ବିଭାଗର ରିପୋର୍ଟ ଅନୁଯାୟୀ, ଗତ ୧୫ ବର୍ଷରେ ଜୁଲାଇ ମାସରେ ଗଙ୍ଗା ନଦୀରେ ଏପରି ଉଚ୍ଚ ଜଳସ୍ତର କେବେ ଦେଖାଯାଇନଥିଲା।

ବକ୍ସରରେ ଗତ ବର୍ଷ ତୁଳନାରେ ଗଙ୍ଗାର ଜଳସ୍ତର ୬ ମିଟର ଓ ପଟନାରେ ୨ ମିଟର ଅଧିକ ଅଛି।

ଫାରକ୍କା ବ୍ୟାରେଜର ସମସ୍ତ

୧୦୮ଟି ଗେଟ୍ ଖୋଲାଯାଇଛି, ଯାହା

ଫଳରେ ଗଙ୍ଗାର ପାଣି ବେଗରେ ବାହାରୁଛି। ମଙ୍ଗଳବାର ସନ୍ଧ୍ୟାରେ ପାଟନାରେ ଗଙ୍ଗା ବନ୍ୟା ସତର୍କ

ସୀମାରୁ ୪୩ ସେ.ମି. ଓ ଫାରକ୍କାରେ ୨୦ ସେ.ମି. ଉପରେ ପ୍ରବାହିତ ହେଉଥିଲା। ବକ୍ସରରୁ କହଲଗାଁଉ

ପର୍ଯ୍ୟନ୍ତ ଗଙ୍ଗାର ପ୍ରବଳ ଧାରା ତଟବନ୍ଧ ଉପରେ ଚାପ ବଢୁଛି । ଜଳ ସଂଶାଧନ ବିଭାଗ ବନ୍ଧଗୁଡିକୁ ସୁରକ୍ଷିତ

ରଖିବା ପାଇଁ ୬୦୦ ଜଣ ସୁରକ୍ଷାକର୍ମୀ ଓ ୪୫ରୁ ଅଧିକ ଯନ୍ତ୍ରୀଙ୍କୁ ନିଯୁକ୍ତ କରିଛି। ଏହାସହିତ

ରାତିରେ ପାଟ୍ରୋଲିଂ ଆରମ୍ଭ କରାଯାଇଛି।

ବ୍ୟାରେଜରୁ ପାଣି

ଛାଡ଼ିଦିଆଯିବାରୁ କୋଶୀ ଓ ବୁଢ଼ି ଗଣ୍ଡକ ସହିତ ସହିତ ପୁନପୁନ ଓ ଦରଧା ନଦୀର ଜଳସ୍ତର ମଧ୍ୟ

ବୃଦ୍ଧି ପାଇଛି। ଜଳ ସଂଶାଧନ ବିଭାଗ ଅନୁଯାୟୀ, ଏହି ବର୍ଷ ଜୁଲାଇ ମାସର ପ୍ରଥମ ସପ୍ତାହରେ ଗଙ୍ଗା ନଦୀରେ ଗତ ବର୍ଷ

ତୁଳନାରେ ୫ ମିଟର ଅଧିକ ପାଣି ଥିଲା। ଫାରକ୍କା ବାରାଜର ଗେଟ୍ ଖୋଲିଦିଆଯିବାରୁ ଗଙ୍ଗାର ପାଣି

ଦ୍ରୁତ ଗତିରେ ବାହାରୁଛି, କିନ୍ତୁ ଏହା ଫଳରେ ତଳିଆ ଅଞ୍ଚଳରେ ବନ୍ୟାର ବିପଦ ଦେଖାଦେଇଛି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା