ଶ୍ରୀନଗର, 24 ଜୁଲାଇ (ହି.ସ.)

- ଚଳିତ ବର୍ଷ ଜୁଲାଇ 3 ତାରିଖରେ ଆମରନାଥ ଯାତ୍ରା ଆରମ୍ଭ ହେବା ପରେ ଏପର୍ଯ୍ୟନ୍ତ

3.42 ଲକ୍ଷରୁ ଅଧିକ ଯାତ୍ରୀ ଦର୍ଶନ କରିସାରିଲେଣି । ଗୁରୁବାର ଦିନ 3,500 ତୀର୍ଥଯାତ୍ରୀଙ୍କର

ଏକ ନୂଆ ଟିମ୍ ଜମ୍ମୁରୁ ଉଭୟ ଆଧାର ଶିବିର ପାଇଁ ଯାତ୍ରା କରିଛି।

ଅଧିକାରୀ ସୂଚନା ଦେଇଛନ୍ତି ଯେ ଗତ 21 ଦିନରେ 3.42 ଲକ୍ଷରୁ ଅଧିକ ଶ୍ରଦ୍ଧାଳୁ ଆମରନାଥ

ଯାତ୍ରା କରିଛନ୍ତି। ତୀର୍ଥଯାତ୍ରୀମାନଙ୍କ ପ୍ରବଳ ଭିଡ଼ ଲାଗିଛି। ସେମାନେ କହିଛନ୍ତି ଯେ ଯାତ୍ରା

ଶାନ୍ତିପୂର୍ଣ୍ଣ ଏବଂ ସୁଚାରୁ ଭାବରେ ଚାଲିଛି । ଗୁରୁବାର ଦିନ 3,500 ତୀର୍ଥଯାତ୍ରୀ ଜମ୍ମୁର

ଭଗବତୀ ନଗର ଯାତ୍ରୀ ନିବାସରୁ ଘାଟି ପାଇଁ ଯାଇଛନ୍ତି। ସେମାନଙ୍କ ମଧ୍ୟରୁ 45ଟି ଯାନର ପ୍ରଥମ

ସୁରକ୍ଷା କାଫିଲା ସକାଳ 3:25ରେ 832 ଯାତ୍ରୀଙ୍କୁ ନେଇ ବାଲଟାଲ୍ ଆଧାର ଶିବିର ଯାଇଥିବା ବେଳେ 95ଟି

ଯାନର ଦ୍ୱିତୀୟ କାଫିଲା 2,668 ଯାତ୍ରୀ ସହ ସକାଳ 4:01ରେ ପହେଳଗାମ୍

ଆଧାର ଶିବିର ପାଇଁ ପ୍ରସ୍ଥାନ କରିଛି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା