କାଠମାଣ୍ଡୁ, ଜୁଲାଇ ୫ (ହିସ)- ନେପାଳ ଏୟାରଲାଇନ୍ସକୁ ଦୁଇଟି ଏୟାରବସ୍ ଏ୩୩୦ ଜେଟ୍ ବିମାନ ଯୋଗାଣ କରିଥିବା ବିମାନ ସେବା ଫାର୍ମ ଏଏଆର କାର୍ପର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନେପାଳୀ ବଂଶୋଦ୍ଭବ ଦୀପକ ଶର୍ମାଙ୍କୁ ଏକ ଆମେରିକାର କୋର୍ଟ ତିନି ବର୍ଷ ଜେଲଦଣ୍ଡରେ ଦଣ୍ଡିତ କରିଛନ୍ତି। କୋର୍ଟ ଶର୍ମାଙ୍କୁ ବିମାନ ଯୋଗାଣ ସମୟରେ ପାରାମିଟର ଏବଂ ମୂଲ୍ୟ ପରିବର୍ତନ କରିବା ପାଇଁ ୬ ମିଲିୟନ ଆମେରିକୀୟ ଡଲାର ଲାଚ ଦେବା ଅଭିଯୋଗରେ ଦୋଷୀ ସାବ୍ୟସ୍ତ କରିଥିଲେ। ୱାଶିଂଟନ୍ ଜିଲ୍ଲା ବିଚାରପତି ଅଶୋକ ମେହେଟା ଦୀପକ ଶର୍ମାଙ୍କୁ ତିନି ବର୍ଷ ଦଣ୍ଡାଦେଶ ଶୁଣାଇବା ସମୟରେ ତାଙ୍କୁ ପ୍ରଥମ ଛଅ ମାସ ଏକ ଆବାସିକ ସମ୍ପ୍ରଦାୟ କେନ୍ଦ୍ରରେ ବିତାଇବା, ୨୦୦ ଘଂଟା ସମାଜ ସେବା ପୂରଣ କରିବା ଏବଂ ତା'ପରେ ଆମେରିକାରୁ ଆତ୍ମ-ନିର୍ବାସ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ବ୍ୟତୀତ ଶର୍ମାଙ୍କୁ ୧୫୦,୦୦୦ ଡଲାର ଜରିମାନା ଦେବାକୁ ଏବଂ ୧୩୦,୮୩୫ ଡଲାର ମୂଲ୍ୟର ସମ୍ପତି ଜବତ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି। ଯଦିଓ ଶର୍ମା ସର୍ବାଧିକ ୬୦ ମାସ ଜେଲଦଣ୍ଡ ମାଗିଥିଲେ, ଫେଡେରାଲ୍ ପବ୍ଲିକ୍ ପ୍ରସିକ୍ୟୁଟରମାନେ ତଦନ୍ତରେ ତାଙ୍କର ସହଯୋଗକୁ ଉଲ୍ଲେଖ କରି ୪୦ ମାସ କମ୍ ଜେଲ ଦଣ୍ଡ ପାଇଁ ଅନୁରୋଧ କରିଥିଲେ। ଶର୍ମା ମଧ୍ୟ କୋର୍ଟ ସମ୍ମୁଖରେ ତାଙ୍କ କାର୍ଯ୍ୟ ପାଇଁ ଅନୁତାପ ପ୍ରକାଶ କରିଥିଲେ।
-----------
---------------
ହିନ୍ଦୁସ୍ଥାନ ସମାଚାର / ଗଗନ
