ଭୁବନେଶ୍ୱର, ୫ ଜୁଲାଇ (ହି.ସ.) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ତ୍ରିନିଦାଦ୍ ଏବଂ ଟୋବାଗୋ ସରକାର ତାଙ୍କ ଦେଶର ସର୍ବୋଚ୍ଚ ନାଗରିକ ସମ୍ମାନ ‘ଅର୍ଡର ଅଫ୍ ଦ ରିପବ୍ଲିକ୍ ଅଫ୍ ତ୍ରିନିଦାଦ୍ ଏଣ୍ଡ ଟୋବାଗୋ’ ପ୍ରଦାନ କରା ଯାଇଥିବାରୁ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝି ତାଙ୍କୁ ଅଭିନନ୍ଦନ ଜଣାଇଛନ୍ତି।

ମୁଖ୍ୟମନ୍ତ୍ରୀ ମାଝି ସୋସିଆଲ୍ ମିଡିଆ ମାଧ୍ୟମରେ ପ୍ରଧାନମନ୍ତ୍ରୀଙ୍କ ବିଶ୍ୱମାନ୍ୟତା ନେତୃତ୍ୱକୁ ସ୍ୱୀକାର କରି ଏହି ସମ୍ମାନକୁ ସମଗ୍ର ଦେଶ ପାଇଁ ଏକ ଗର୍ବର ମୁହୂର୍ତ୍ତ ବୋଲି କହିଛନ୍ତି। ସେ ଲେଖିଛନ୍ତି:

“ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ତ୍ରିନିଦାଦ୍ ଏବଂ ଟୋବାଗୋର ସର୍ବୋଚ୍ଚ ନାଗରିକ ସମ୍ମାନ ‘ଅର୍ଡର ଅଫ୍ ଦ ରିପବ୍ଲିକ୍ ଅଫ୍ ତ୍ରିନିଦାଦ୍ ଏଣ୍ଡ ଟୋବାଗୋ’ ପ୍ରଦାନ କରାଯିବା ଅପରିମିତ ଗର୍ବର ବିଷୟ। ଏହି ଗରିମାମୟ ସମ୍ମାନ, ଯାହା ଆପଣଙ୍କୁ ମିଳିଥିବା ୨୫ତମ ଆନ୍ତର୍ଜାତିକ ସ୍ୱୀକୃତି, ଦେଶର ପ୍ରତ୍ୟେକ ନାଗରିକଙ୍କ ପାଇଁ ଗର୍ବର ବିଷୟ ଓ ଆପଣଙ୍କ ପ୍ରଭାବଶାଳୀ ବିଶ୍ୱ ନେତୃତ୍ୱର ପ୍ରତିବିମ୍ବ। ଭାରତକୁ ବିଶ୍ୱଶକ୍ତି ଭାବରେ ଉନ୍ନତ କରିବା ଆପଣଙ୍କ ପ୍ରୟାସ ପାଇଁ ଆପଣଙ୍କୁ ଅବିରତ ଶକ୍ତି ଓ ସାହସର କାମନା କରୁଛି।”

---------------

ହିନ୍ଦୁସ୍ଥାନ ସମାଚାର / ସମନ୍ୱୟ