ଶିମଲା, ୫ ଜୁଲାଇ (ହି.ସ.)- ମୌସୁମୀ ଋତୁ ୨୦୨୫ ପୁଣି ଥରେ ହିମାଚଳ ପ୍ରଦେଶରେ ତାଣ୍ଡବ ରଚିଛି । ଜୁନ୍ ୨୦ରୁ ଜୁଲାଇ ୪ ତାରିଖ ପର୍ଯ୍ୟନ୍ତ ମାତ୍ର ୧୫ ଦିନରେ ୭୨ ଜଣ ପ୍ରାଣ ହରାଇଛନ୍ତି, ୧୧୩ ଜଣ ଆହତ ହୋଇଛନ୍ତି ଏବଂ ଗତ କିଛି ଦିନ ଧରି ୩୭ ଜଣ ନିଖୋଜ ଅଛନ୍ତି । ଏହି ସମୟ ମଧ୍ୟରେ ବର୍ଷା, ଭୂସ୍ଖଳନ, ବାଦଲଫାଟିବା, ହଠାତ୍ ବନ୍ୟା, ସଡ଼କ ଦୁର୍ଘଟଣା ଏବଂ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ରାଜ୍ୟକୁ ଥରାଇ ଦେଇଛି । ଶନିବାର ରାଜ୍ୟ ବିପର୍ଯ୍ୟୟ ପରିଚାଳନା କର୍ତୃପକ୍ଷଙ୍କ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଏପର୍ଯ୍ୟନ୍ତ ରାଜ୍ୟରେ ୫୪୧ କୋଟି ଟଙ୍କାରୁ ଅଧିକ ମୂଲ୍ୟର ସମ୍ପତି ଏବଂ ଧନଜୀବନ ନଷ୍ଟ ହୋଇଛି । ଏହି ମୌସୁମୀ ସମୟରେ ସର୍ବାଧିକ ଧ୍ୱଂସ ମଣ୍ଡି ଜିଲ୍ଲାରେ ଘଟିଛି । କେବଳ ମଣ୍ଡିରେ ୨୦ ଜଣଙ୍କର ମୃତ୍ୟୁ ହୋଇଛି, ଯାହା ମଧ୍ୟରୁ ୧୪ ଜଣଙ୍କର ମୃତ୍ୟୁ ବାଦଲଫାଟିବା ଯୋଗୁଁ ହୋଇଛି । ଅନ୍ୟପକ୍ଷରେ କାଙ୍ଗଡ଼ାରେ, ମୋଟ୍ ୧୩ ଜଣଙ୍କର ମୃତ୍ୟୁ ହୋଇଛି, ଯାହା ମଧ୍ୟରୁ ୭ ଜଣଙ୍କର ମୃତ୍ୟୁ ଭୂସ୍ଖଳନ ଯୋଗୁଁ ଏବଂ ୨ ଜଣଙ୍କର ମୃତ୍ୟୁ ବାଦଲଫାଟିବା ଯୋଗୁଁ ହୋଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ