ରିଓ ଡି ଜେନେରିଓ, ୬ ଜୁଲାଇ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାରି ଦିନିଆ ଗସ୍ତରେ ବ୍ରାଜିଲରେ ପହଂଚିଛନ୍ତି । ଏହି ସମୟରେ, ସେ ୧୭ତମ ବ୍ରିକ୍ସ ସମ୍ମିଳନୀରେ ଅଂଶଗ୍ରହଣ କରିବେ । ପ୍ରଧାନମନ୍ତ୍ରୀ ମୋଦିଙ୍କ ପାଂଚଟି ଦେଶ ଗସ୍ତର ଏହା ଚତୁର୍ଥ ପର୍ଯ୍ୟାୟ । ତାଙ୍କ ଗସ୍ତକୁ ନେଇ ପ୍ରବାସୀ ଭାରତୀୟଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ଯେଉଁମାନେକି ସେଠାରେ ତାଙ୍କୁ ସ୍ୱାଗତ କରିଛନ୍ତି ।

ବ୍ରିକ୍ସ ସମ୍ମିଳନୀରେ ଯୋଗଦେବା ନିମନ୍ତେ ପ୍ରଧାନମନ୍ତ୍ରୀ ମୋଦି ଶନିବାର ସନ୍ଧ୍ୟାରେ (ସ୍ଥାନୀୟ ସମୟ ଅନୁସାରେ) ରିଓ ଡି ଜେନେରିଓର ଗାଲେଓ ଅନ୍ତର୍ଜାତୀୟ ବିମାନବନ୍ଦରରେ ପହଂଚି ଥିଲେ, ଯେଉଁଠାରେ ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା । ରାଷ୍ଟ୍ରପତି ଲୁଇସ୍ ଇନାସିଓ ଲୁଲା ଡା ସିଲଭାଙ୍କ ନିମନ୍ତ୍ରଣରେ ବ୍ରାଜିଲରେ ପହଂଚିଥିବା ପ୍ରଧାନମନ୍ତ୍ରୀ ମୋଦି ରିଓ ଡି ଜେନେରିଓରେ ୧୭ତମ ବ୍ରିକ୍ସ ସମ୍ମିଳନୀରେ ଯୋଗଦେବେ, ଯାହା ପରେ ସେ ଏକ ରାଜକୀୟ ଯାତ୍ରାରେ ଯିବେ ।

ପ୍ରଧାନମନ୍ତ୍ରୀ ମୋଦି ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି କହିଛନ୍ତି ଯେ, ମୁଁ ବ୍ରାଜିଲର ରିଓ ଡି ଜେନେରିଓରେ ପହଂଚିଛି, ଯେଉଁଠାରେ ମୁଁ ବ୍ରିକ୍ସ ଶିଖର ସମ୍ମିଳନୀରେ ଯୋଗଦେବି ଏବଂ ପରେ ରାଷ୍ଟ୍ରପତି ଲୁଲାଙ୍କ ନିମନ୍ତ୍ରଣରେ ରାଜଧାନୀ ବ୍ରାସିଲିଆ ଯିବି । ଏହି ବୈଠକ ଏବଂ ଆଲୋଚନାର ଏକ ଫଳପ୍ରଦ ପର୍ଯ୍ୟାୟ ଆଶା କରାଯାଉଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ