ନୂଆଦିଲ୍ଲୀ, ୧୦ ଅଗଷ୍ଟ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର କେଏସଆର ରେଳ ଷ୍ଟେସନରୁ ତିନୋଟି ବନ୍ଦେ ଭାରତ ଏକ୍ସପ୍ରେସ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିଛନ୍ତି । ସେ ବ୍ୟକ୍ତିଗତ ଭାବରେ ବେଙ୍ଗାଲୁରୁ-ବେଲାଗବୀ ବନ୍ଦେ ଭାରତ ଏକ୍ସପ୍ରେସକୁ ପତାକା ଦେଖାଇ ଶୁଭାରମ୍ଭ କରିଥିଲେ, ଯେତେବେଳେ ଶ୍ରୀ ମାତା ବୈଷ୍ଣୋ ଦେବୀ କଟରା-ଅମୃତସର ଏବଂ ଅଜନି (ନାଗପୁର)-ପୁଣେ ବନ୍ଦେ ଭାରତ ସେବାକୁ ଭର୍ଚୁଆଲ୍ ଭାବରେ ଆରମ୍ଭ କରାଯାଇଥିଲା ।

ବେଙ୍ଗାଲୁରୁ-ବେଲାଗବୀ ବନ୍ଦେ ଭାରତ ଟ୍ରେନରେ ଯାତ୍ରା କରିବା ସମୟରେ ପ୍ରଧାନମନ୍ତ୍ରୀ ସ୍କୁଲ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ ଏବଂ ଟ୍ରେନଟି ପର୍ଯ୍ୟବେକ୍ଷଣ କରିଥିଲେ । ଅଧିକାରୀଙ୍କ ଅନୁଯାୟୀ, ଏହି ଟ୍ରେନଗୁଡ଼ିକ ଆଂଚଳିକ ସଂଯୋଗ ବୃଦ୍ଧି କରିବ, ଯାତ୍ରା ସମୟ ହ୍ରାସ କରିବ ଏବଂ ଯାତ୍ରୀମାନଙ୍କୁ ବିଶ୍ୱସ୍ତରୀୟ ଯାତ୍ରା ଅଭିଜ୍ଞତା ପ୍ରଦାନ କରିବ । ଏହା ପରେ, ପ୍ରଧାନମନ୍ତ୍ରୀ ବେଙ୍ଗାଲୁରୁ ମେଟ୍ରୋର ୟେଲୋ ଲାଇନକୁ ମଧ୍ୟ ପତାକା ଦେଖାଇ ଶୁଭାରମ୍ଭ କରିଥିଲେ ଏବଂ ଏହାକୁ ଉଦଘାଟନ କରିଥିଲେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ