ଭୁବନେଶ୍ୱର,୧୨ ଅଗଷ୍ଟ (ହି.ସ)- ଉପ-ମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ରାଜ୍ୟରେ ନବୀକରଣୀୟ ଶକ୍ତି ଉତ୍ପାଦନ ଏବଂ ସଂରକ୍ଷଣ, ବିଶେଷକରି ବ୍ୟାଟେରୀ ଶକ୍ତି ସଂରକ୍ଷଣ ପ୍ରଣାଳୀ ଉପରେ ଏକ ବୈଠକର ଅଧ୍ୟକ୍ଷତା କରିଛନ୍ତି। ଷ୍ଟ୍ରିଟ୍ ଲାଇଟ୍ ବିଷୟରେ ମଧ୍ୟ ଆଲୋଚନା କରାଯାଇଛି।

ଉପ-ମୁଖ୍ୟମନ୍ତ୍ରୀ ଶ୍ରୀ ସିଂହ ଦେଓ ବୈଠକରେ କହିଛନ୍ତି ଯେ, ଆମେ ନବୀକରଣୀୟ ଶକ୍ତି ଆଡକୁ ଅଗ୍ରସର ହେଉଥିବା ସମୟରେ ଓଡ଼ିଶା ବ୍ୟାଟେରୀ ଶକ୍ତି ସଂରକ୍ଷଣ ପ୍ରଣାଳୀ ପାଇଁ ଅଗ୍ରସର ହେଉଛି କାରଣ ଏହା ସମୟର ଆବଶ୍ୟକତା। ନବୀକରଣୀୟ ଶକ୍ତି ପଦକ୍ଷେପଗୁଡ଼ିକ କେବଳ ବିଦ୍ୟୁତ୍ କ୍ଷେତ୍ରକୁ ଡିକାର୍ବନାଇଜ କରିନାହିଁ ବରଂ ବ୍ୟାପକ ସହ-ଲାଭ ମଧ୍ୟ ପ୍ରଦାନ କରେ । ଯଥା ବର୍ଦ୍ଧିତ ଶକ୍ତି ପ୍ରବେଶ, ନିଯୁକ୍ତି ସୃଷ୍ଟି, ବାୟୁ ପ୍ରଦୂଷଣ ହ୍ରାସ, ଉତମ ଜନସ୍ୱାସ୍ଥ୍ୟ ଫଳାଫଳ ଏବଂ ସୁଦୃଢ଼ ଗ୍ରାମୀଣ ଆୟ। ଓଡ଼ିଶାର ସ୍ୱଚ୍ଛ ଶକ୍ତି ବିପ୍ଳବ ଅନ୍ତର୍ଭୁକ୍ତିମୂଳକ ଅଭିବୃଦ୍ଧି ଓ ସାମାଜିକ ନ୍ୟାୟ ପ୍ରଦାନ କରିବା ସହିତ ସମାନ ଭାବରେ ନିର୍ଗମନ ହ୍ରାସ କରିବ।

ପ୍ରମୁଖ ସଚିବ ଶ୍ରୀ ବିଶାଳ ଦେବ କହିଛନ୍ତି ଯେ, ଆମେ ପାଇଲଟ୍ ଭିତିରେ ସୌରଚାଳିତ ଷ୍ଟ୍ରିଟ୍ ଲାଇଟ୍ ପାଇଁ ମଧ୍ୟ ଯୋଜନା କରୁଛୁ।

ଏହି ଅବସରରେ ବେସିୟମ୍ ନାମକ ଏକ କମ୍ପାନୀ ବ୍ୟାଟେରୀ ଷ୍ଟୋରେଜ୍ ସିଷ୍ଟମ ଉପରେ ଏକ ଉପସ୍ଥାପନା ଦେଇଥିଲା।ଏହି ବୈଠକରେ ପରିଚାଳନା ନିର୍ଦ୍ଦେଶକ ଗ୍ରୀଡକୋ ଡକ୍ଟର ସତ୍ୟପ୍ରିୟ ରଥ, ଓପିଜିସି କେଦାର ରଞ୍ଜନ ପାଣ୍ଡୁ, ଓପିଟିସିଏଲ ସାଈଦତ୍ତ ବିପ୍ଳବ କେଶରୀ ପ୍ରଧାନ, ଶକ୍ତି ବିଭାଗର ଅତିରିକ୍ତ ସଚିବ ଶ୍ରୀମତୀ ନିବେଦିତା ମିଶ୍ର, ପୌର ନିଗମ ନିର୍ଦ୍ଦେଶକଅରିନ୍ଦମ ଡାକୁଆ ଏବଂ ଗ୍ରୀଡକୋ, ଓପିଜିସି, ଶକ୍ତି ବିଭାଗର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

---------------

ହିନ୍ଦୁସ୍ଥାନ ସମାଚାର / ବନ୍ଦନା