ସମ୍ବଲପୁର, ୧୨ ଅଗଷ୍ଟ (ହି.ସ.)

ମୋହନ ମାଝୀ ସରକାର ତାର ପାଞ୍ଚ ବର୍ଷ ର କାର୍ଯ୍ୟକାଳ ମଧ୍ୟରେ ରାଜ୍ୟରେ ଆଉ କୌଣସି ଜମିହୀନ ପରିବାର ରହିବେ ନାହିଁ ବୋଲି କହିଲେ ରାଜସ୍ବ ଓ ବିପର୍ଯୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ l ଆଜି ରେଢ଼ାଖୋଲ ସ୍ଥିତ କଦମ୍ବ ପଡିଆ ଠାରେ ଆୟୋଜିତ ସଭାରେ ଜିଲ୍ଲାପାଳ ସିଧେଶ୍ୱର ବଳିରାମ ବୋନ୍ଦର ଙ୍କର ସଭାପତିତ୍ୱ ରେ ଆୟୋଜିତ ସଭାରେ ମୁଖ୍ୟ ଅତିଥି ଭାବରେ ରାଜସ୍ବ ଓ ବିପର୍ଯୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ବିରୋଧୀ ଦଳର ଉପନେତା ତଥା ରେଢ଼ାଖୋଲ ବିଧାୟକ ପ୍ରସନ୍ନ ଆଚାର୍ଯ୍ୟ, ରେଢ଼ାଖୋଲ ବିଜ୍ଞାପିତ ଅଂଚଳ ପରିଷଦ ର ଅଧ୍ୟକ୍ଷ ଶିବରାମ ସାହୁ, ରେଢ଼ାଖୋଲ ପଂଚାୟତ ସମିତି ର ଅଧ୍ୟକ୍ଷ ପ୍ରଦୀପ ପ୍ରଧାନ, ନାକଟିଦେଉଳ ପଞ୍ଚାୟତ ସମିତି ର ଅଧ୍ୟକ୍ଷ ସ୍ୱରୂପା ରାଣୀ ସାହୁ, ରେଢ଼ାଖୋଲ ଜିଲ୍ଲା ପରିଷଦ ସଭ୍ୟ ଶରତ ପ୍ରଧାନ ପ୍ରମୁଖ ଉପସ୍ଥିତ ଥିଲେ ଳ ଅନ୍ୟ ମାନଙ୍କ ମଧ୍ୟରେ ସମ୍ବଲପୁର ଅତିରିକ୍ତ ଜିଲ୍ଲାପାଳ ସୁଧାଂଶୁ ଶେଖର ଭୋଇ, ରେଢ଼ାଖୋଲ ଉପଖଣ୍ଡ ର ଉପ ଜିଲ୍ଲାପାଳ ରଶ୍ମି ରଞ୍ଜନ ମହନ୍ତ, ରେଢ଼ାଖୋଲ ତହସିଲଦାର ପ୍ରଭାତ ରଞ୍ଜନ ମହାନ୍ତି, ନାକଟିଦେଉଳ ତହସିଲଦାର ଅମରପ୍ରୀତ ଡୁଙ୍ଗଡୁଙ୍ଗ ଓ ବିଶିଷ୍ଟ ସମାଜସେବୀ ଗୋବିନ୍ଦ ଅଗ୍ରୱାଲ ପ୍ରମୁଖ ମଂଚାସୀନ ଥିଲେ lଏହି ଅବସରରେ ରେଢ଼ାଖୋଲ ବ୍ଲକ ର ୧୯୪ ଓ ନାକଟିଦେଉଳ ବ୍ଲକ ର ୭୪ ଭୂମିହୀନ ପରିବାରଙ୍କୁ ୪ଡେସିମିଲ ର ଜମି ପଟ୍ଟା ପ୍ରଦାନ କରାଯାଇଥିଲା।ଜନଜାତି ଙ୍କୁ ଜଙ୍ଗଲ ଜମି ଅଧିକାର ଭିତ୍ତି ରେ ରେଢ଼ାଖୋଲ ବ୍ଲକ ୧୯୨ ଓ ନାକଟିଦେଉଳ ବ୍ଲକ ର ୪୧ ଭୂମିହୀନ ପରିବାର ଙ୍କୁ ୧୦ ଡେସିମିଲ ଜମି ପଟ୍ଟା ପ୍ରଦାନ, ରେଢ଼ାଖୋଲ ବ୍ଲକ ର ୯୨ ଓ ନାକଟିଦେଉଳ ବ୍ଲକ ର ୪୮ ବିଦ୍ୟାଳୟ ଓ ମହାବିଦ୍ୟାଳୟ କୁ ତାଙ୍କର ଜମି ର ପଟ୍ଟା ପ୍ରଦାନ କରାଯାଇଥିଲା l

ଏଥିସହ ଭିନ୍ନକ୍ଷମ ବିବାହିତ ପରିବାର କୁ ଅଢେଇ ଲକ୍ଷ ଲେଖାଏଁ ଆର୍ଥିକ ଅନୁଦାନ ତଥା ଭିନ୍ନକ୍ଷମ ବ୍ୟକ୍ତିଙ୍କୁ ବିଭିନ୍ନ ଆବଶ୍ୟକୀୟ ଉପକରଣ ପ୍ରଦାନ କରାଯାଇଥିଲା l ରେଢ଼ାଖୋଲ ଅଂଚଳରେ ବନିକରଣ ତଥା ଜଙ୍ଗଲ ସୃଷ୍ଟି ରେ ଉଲ୍ଲେଖ୍ୟନୀୟ ଅବଦାନ ପାଇଁ ରେଢ଼ାଖୋଲ ଏନ.ଏ.ସି. ଅଧ୍ୟକ୍ଷ ଶିବରାମ ସାହୁ ଓ ରାଧାଦେବୀ ହେତମପୁରିଆ ବାଳିକା ଉଚ୍ଚ ପ୍ରାଥମିକ ବିଦ୍ୟାଳୟ ପାଇଁ ତାଙ୍କର ପୂର୍ବ ବଂଶଧର ଜମି ପ୍ରଦାନ କରିଥିବାରୁ ଦାନିଆଁ ତାଣ୍ଡିଆ ଙ୍କୁ ସମ୍ମାନ ପତ୍ର ପ୍ରଦାନ କରାଯାଇଥିଲା l

ମୁଖ୍ୟ ଅତିଥି ରାଜସ୍ବ ମନ୍ତ୍ରୀ ଶ୍ରୀ ପୂଜାରୀ ତାଙ୍କର ବକ୍ତବ୍ୟ ରେ କହିଲେ ଯେ ଜଣେ ବ୍ୟକ୍ତିର ଜୀବନ ସରିଯାଏ ହେଲେ ଜମି ପଟ୍ଟା ଖଣ୍ଡିଏ ପାଏ ନାହିଁ l ଦୁନିଆଁ ରେ କୌଣସି ବ୍ୟକ୍ତି ଜୀବନରେ ପିତା, ମାତା, ଗୁରୁ ଓ ମାତୃଭୂମି ର ଋଣ ସୁଝି ପାରେନାହିଁ lତେଣୁ, ଜୀବନ ଥିବା ଭିତରେ ସେବା ମନୋବୃତ୍ତି ରଖି ଜନତା ଙ୍କର ସେବା କରିବା ଅତ୍ୟନ୍ତ ଜରୁରୀ ଅଟେ l ଆହୁରି ମଧ୍ୟ କହିଲେ ଯେ, ମୋହନ ମାଝୀ ଙ୍କର ସରକାର ପାଞ୍ଚ ବର୍ଷ ର ପୂର୍ଣ୍ଣ କାର୍ଯ୍ୟକାଳ ଭିତରେ ଓଡିଶା ପ୍ରଦେଶରେ କୌଣସି ପରିବାର ଭୂମିହୀନ ରହିବେ ନାହିଁ l ମଞ୍ଚ ରୁ ଶ୍ରୀ ପୂଜାରୀ କହିଲେ ଯେ, ଶିକ୍ଷାନୁଷ୍ଠାନ ମାନଙ୍କୁ ଜମି ପଟ୍ଟା ପ୍ରଦାନ ସହ ଖେଳ ପଡିଆ ନଥିବା ଶିକ୍ଷାନୁଷ୍ଠାନ ମାନଙ୍କୁ ୨ ଏକର ଲେଖାଏଁ ମଧ୍ୟ ପ୍ରଦାନ କରାଯିବାକୁ ବିଭାଗୀୟ ଅଧିକାରୀ ଙ୍କୁ ନିର୍ଦେଶ ଦେଇଥିଲେ l ଭୂମିହୀନ ଙ୍କୁ ଜିମି ପଟ୍ଟା ପ୍ରଦାନ ରେ ଶ୍ରେଷ୍ଠ ରାଜ୍ୟ ଭାବରେ ପରିଣତ କରାଯିବାକୁ ସରକାର ସଂକଳ୍ପବଦ୍ଧ l ସମ୍ମାନିତ ଅତିଥି ବିଧାୟକ ଶ୍ରୀ ଆଚାର୍ଯ୍ୟ ତାଙ୍କର ବକ୍ତବ୍ୟ କହିଲେ ଯେ, ବସୁନ୍ଧରା ଯୋଜନା ଏକ ବହୁମୁଖୀ ଯୋଜନା ଯଦ୍ୱାରା ଅନେକ ଭୂମିହୀନ ଲୋକ ବାସଟିଏ ପାଇଁ ଜମି ଖଣ୍ଡିଏ ପାଉଛନ୍ତି l ଅତିରିକ୍ତ ଜିଲ୍ଲାପାଳ ଶ୍ରୀ ଭୋଇ ରାଜସ୍ବ ବିଭାଗ ର ଲୋକଙ୍କ ପାଇଁ କାର୍ଯ୍ୟକରିବାକୁ ପରାମର୍ଶ ଦେଇଥିଲେ l କାର୍ଯ୍ୟକ୍ରମ ଶେଷରେ ଉପ- ଜିଲ୍ଲାପାଳ ମହନ୍ତ ଧନ୍ୟବାଦ ଅର୍ପଣ କରିଥିଲେ।

---------------

ହିନ୍ଦୁସ୍ଥାନ ସମାଚାର / ଶୈଳେଶ