ତିରୁଭନ୍ନାମଲାଇ, ୧୮ ଅଗଷ୍ଟ (ହି.ସ.) – ଅଲ ଇଣ୍ଡିଆ ଆନ୍ନା ଦ୍ରାବିଡ଼ ମୁନେତ୍ର କଡ଼ଗାମ (ଏଆଇଏଡିଏମକେ) ର ସାଧାରଣ ସମ୍ପାଦକ ଏଡ଼ପାଦୀ ପଲାନୀସ୍ୱାମୀ ଦ୍ରାବିଡ଼ ମୁନେତ୍ର କଡ଼ଗାମ (ଡିଏମକେ) ସମେତ ଜାତୀୟ ଗଣତାନ୍ତ୍ରିକ ମେଂଟ (ଏନଡିଏ) ପକ୍ଷରୁ ଉପରାଷ୍ଟ୍ରପତି ପାଇଁ ଘୋଷିତ ପ୍ରାର୍ଥୀ ସି.ପି. ରାଧାକୃଷ୍ଣଙ୍କୁ ସମର୍ଥନ କରିବାକୁ ତାମିଲନାଡ଼ୁର ସମସ୍ତ ସାଂସଦଙ୍କୁ ଅପିଲ କରାଯାଇଛି । ଅନ୍ନାମାଲାୟରରେ ସାମ୍ବାଦିକ ମାନଙ୍କ ସହ କଥାବାର୍ତା କରି ତାମିଲନାଡ଼ୁ ବିଧାନସଭାର ବିରୋଧି ଦଳ ନେତା ଏବଂ ଏଆଇଏଡିଏମକେରେ ସାଧାରଣ ସମ୍ପାଦକ ଏଡ଼ପାଦୀ ପଲାନିସ୍ୱାମୀ କହିଛନ୍ତି ଏହା ଏକ ଭଲ ଖବର । ଯଦି ତାମିଲନାଡ଼ୁର କେହି ଉପରାଷ୍ଟ୍ରପତି ହୁଅନ୍ତି, ତେବେ ଏହା ତାମିଲନାଡ଼ୁ ପାଇଁ ଗର୍ବର ବିଷୟ ହେବ । ସି.ପି. ରାଧାକୃଷ୍ଣଙ୍କୁ ମୋର ଅଭିନନ୍ଦନ । ମୁଁ ଡିଏମକେ ସାଂସଦମାନଙ୍କୁ ଅନୁରୋଧ କରୁଛି ଯେ, ସେମାନେ ଦଳଗତ ନିର୍ବିଶେଷରେ ତାମିଲନାଡ଼ୁର କାହାକୁ ଉପରାଷ୍ଟ୍ରପତି କରିବା ପାଇଁ ସମର୍ଥନ କରନ୍ତୁ ।

ହିନ୍ଦୁସ୍ଥାନ ସମାଚାର / ଭାନୁ ଚରଣ