ନୂଆଦିଲ୍ଲୀ ୧୦, ସେପ୍ଟେମ୍ବର (ହି.ସ.)- ଘରୋଇ ସୁନା ବଜାରରେ ସୁନା ଆଜି ପୁଣି ଥରେ ରେକର୍ଡ ଭାଙ୍ଗି ଏକ ନୂତନ ଶିଖରରେ
ପହଞ୍ଚିଛି। ଆଜିର ବୃଦ୍ଧି ଯୋଗୁଁ୨୨ କ୍ୟାରେଟ୍ ସୁନା ପ୍ରଥମ ଥର ୧ ଲକ୍ଷ ଟଙ୍କା ପ୍ରତି ୧୦ ଗ୍ରାମ ସ୍ତରରେ ଅତିକ୍ରମ
କରିଛି, ଯେତେବେଳେ ୨୪ କ୍ୟାରେଟ୍ ସୁନା ମଧ୍ୟ ୧.୧୦ ଲକ୍ଷ ଟଙ୍କା ପ୍ରତି ୧୦ ଗ୍ରାମ ସ୍ତରରେ କାରବାର
କରୁଛି।ତଥାପିରୂପାର ମୂଲ୍ୟରେ ଆଜି କୌଣସି ପରିବର୍ତ୍ତନ ହୋଇନାହିଁ। ସୁନା ମୂଲ୍ୟରେ ଆଜି ୧,୯୬୦ ଟଙ୍କାରୁ ନେଇ ୨,୧୪୦ ଟଙ୍କା ପ୍ରତି 10 ଗ୍ରାମ ପର୍ଯ୍ୟନ୍ତ ରେକର୍ଡ ହୋଇଛି। ସୁନାର ମୂଲ୍ୟରେ ଆଜି ବୃଦ୍ଧି ଯୋଗୁଁଦେଶର ଅଧିକାଂଶ ସୁନା ବଜାରରେ ୨୪ କ୍ୟାରେଟ୍ ସୁନା ଆଜି ୧,୧୦,୫୧୦ ଟଙ୍କାରୁ ନେଇ୧,୧୦,୬୬୦ ଟଙ୍କା ପ୍ରତି ୧୦ ଗ୍ରାମ ସ୍ତରରେ
କାରବାର କରୁଛି। ଅନ୍ୟପକ୍ଷରେ ୨୨ କ୍ୟାରେଟ୍ ସୁନା ଆଜି ପ୍ରତି ୧୦ ଗ୍ରାମ ୧,୦୧,୩୦୦ ଟଙ୍କାରୁ ନେଇ ୧,୦୧,୪୫୦ ଟଙ୍କା ପ୍ରତି 10 ଗ୍ରାମ ମଧ୍ୟରେ ବିକ୍ରି ହେଉଛି। ରୂପାର ମୂଲ୍ୟରେ କୌଣସି
ପରିବର୍ତ୍ତନ ନ ହେବା ଯୋଗୁଁଏହି ଚମକଦାର ଧାତୁ ଦିଲ୍ଲୀ ସୁନା ବଜାରରେ ଆଜି ମଧ୍ୟ ୧,୩୦,୦୦୦ ଟଙ୍କା ପ୍ରତି କିଲୋଗ୍ରାମ ସ୍ତରରେ ବିକ୍ରି ହେଉଛି।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
10 Sep 2025