ଗାନ୍ଧୀନଗର, ୧୦ ସେପ୍େଟମ୍ବର (ହି.ସ.)- ଇସ୍ରାଏଲର ଅର୍ଥମନ୍ତ୍ରୀ ବେଜାଲେଲ ସ୍ମୋଟ୍ରିଚ୍ ଏବଂ ତାଙ୍କ ପ୍ରତିନିଧିମଣ୍ଡଳ ବୁଧବାର ଗାନ୍ଧୀନଗରରେ ଗୁଜୁରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କୁ ଭେଟିଛନ୍ତି।

ରାଜ୍ୟ ସୂଚନା ବିଭାଗ ତାଙ୍କ ବିବୃତିରେ କହିଛି ଯେ ଇସ୍ରାଏଲର ଅର୍ଥମନ୍ତ୍ରୀଙ୍କ ଏହା ପ୍ରଥମ ଭାରତ ଗସ୍ତ। ସେ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କୁ ଭେଟିଥିଲେ। ଏହି ସମୟରେ, ଇସ୍ରାଏଲର ଅର୍ଥମନ୍ତ୍ରୀ ଭାରତ-ଗୁଜୁରାଟ ଏବଂ ଇସ୍ରାଏଲ ମଧ୍ୟରେ ଐତିହ୍ୟ, ପରମ୍ପରା, ସଂସ୍କୃତି ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ସମାନତା ଉଲ୍ଲେଖ କରିଥିଲେ ଏବଂ ଭବିଷ୍ୟତରେ ଏହି ସମ୍ପର୍କକୁ ଆହୁରି ଗଭୀର କରିବା ପାଇଁ ଅର୍ଥପୂର୍ଣ୍ଣ ଆଲୋଚନା କରିଥିଲେ।

ଇସ୍ରାଏଲର ଅର୍ଥମନ୍ତ୍ରୀ କହିଛନ୍ତି ଯେ ସେ ବିଶେଷକରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରି ଜଣେ ଦୂରଦୃଷ୍ଟିସମ୍ପନ୍ନ ଜାତୀୟ ନେତାଙ୍କ ଜନ୍ମସ୍ଥାନ ଦେଖିବାର ଇଚ୍ଛା ସହିତ, ଗୁଜରାଟରେ ବ୍ୟବସାୟିକ ସମ୍ପର୍କ ବିକଶିତ କରିବା ଏବଂ ଗିଫ୍ଟ ସିଟି ଭଳି ଆନ୍ତର୍ଜାତୀୟ ଆର୍ôଥକ କେନ୍ଦ୍ରରେ ଇସ୍ରାଏଲୀ ଆର୍ôଥକ ପ୍ରତିଷ୍ଠାନ ପରିଚାଳନା କରିବାର ସମ୍ଭାବନା ସହିତ ଗୁଜରାଟ ଆସିଥିଲେ। ସେ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଏବଂ ଇସ୍ରାଏଲୀ ପ୍ରଧାନମନ୍ତ୍ରୀଙ୍କ ମଧ୍ୟରେ ଉଷ୍ମ ବ୍ୟକ୍ତିଗତ ସମ୍ପର୍କ ଏବଂ ଆତଙ୍କବାଦ ବିରୋଧରେ ଲଢ଼େଇ ପାଇଁ ଉଭୟଙ୍କ ପ୍ରତିବଦ୍ଧତା ଦୁଇ ଦେଶକୁ ନିକଟତର କରିଛି। ସେ ଇସ୍ରାଏଲକୁ ଭାରତ ଦ୍ୱାରା ଦିଆଯାଇଥିବା ନିରନ୍ତର ସହଯୋଗକୁ ମଧ୍ୟ ପ୍ରଶଂସା କରିଛନ୍ତି। ସେ ୟୁନିଫାଏଡ୍ ପେମେଂଟ୍ ଇଂଟରଫେସ୍ (ୟୁପିଆଇ)ର ବ୍ୟବହାର ଏବଂ ଆର୍ôଥକ ପ୍ରୋଟୋକଲ୍ ଜାଣିବାରେ ମଧ୍ୟ ଆଗ୍ରହ ଦେଖାଇଲେ।

----------------

---------------

ହିନ୍ଦୁସ୍ଥାନ ସମାଚାର / ଗଗନ