ଶିମଲା, ୧୩ ସେପ୍ଟେମ୍ବର (ହି.ସ.)- ହିମାଚଳ ପ୍ରଦେଶରେ ମୌସୁମୀର ତାଣ୍ଡବ ଜାରି ରହିଛି । ପାଣିପାଗ ବିଭାଗ ରାଜ୍ୟର ୧୦ଟି ଜିଲ୍ଲା(ହମିରପୁର, ବିଳାସପୁର, ଉନା, କାଂଗଡ଼ା, କୁଲ୍ଲୁ, ସୋଲନ, ଶିମଲା, ଚମ୍ବା, ସିରମୌର ଏବଂ ମଣ୍ଡି)ରେ ଆଜି ଏବଂ ଆସନ୍ତାକାଲି ଅର୍ଥାତ୍ ସେପ୍ଟେମ୍ବର ୧୩ ଓ ୧୪ ତାରିଖରେ ଘଡ଼ଘଡ଼ି, ଝଡ଼ ଏବଂ ବଜ୍ରପାତ ସହିତ ପ୍ରବଳ ବର୍ଷା ହେବାର ସତର୍କତା ଜାରି କରିଛି । ଏହି ସମୟରେ, ବିଳାସପୁର ଜିଲ୍ଲାର ଶ୍ରୀ ନୈନା ଦେବୀ ବିଧାନସଭା ନିର୍ବାଚନମଣ୍ଡଳୀର ନମହୋଲରେ ଗତକାଲି ରାତିରେ ପ୍ରବଳ ବର୍ଷା ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି । ଗୁତ୍ରାହାନ ବାହାଦୁରପୁର ଧାର ଗାଁରେ ରାସ୍ତା ଭାଙ୍ଗି ଯାଇଛି ଏବଂ ପାର୍ଶ୍ୱରେ ଠିଆ ହୋଇଥିବା ଅନେକ ଯାନବାହାନ ଭଗ୍ନାବଶେଷ ତଳେ ଦବି ଯାଇଛି । ଅଂଚଳର କିଛି ଘର ମଧ୍ୟ କ୍ଷତିଗ୍ରସ୍ତ ହୋଇଛି । ତଥାପି, ଏହା ଆଶ୍ୱସ୍ତିର ବିଷୟ ଯେ କୌଣସି ଜୀବନହାନି ହୋଇନାହିଁ ।

ରାଜ୍ୟ ଜରୁରୀକାଳୀନ ପରିଚାଳନା କେନ୍ଦ୍ର ର ସୂଚନା ଅନୁଯାୟୀ, ବର୍ଷା ଏବଂ ଭୂସ୍ଖଳନ ଯୋଗୁଁ ଶନିବାର ସକାଳ ପର୍ଯ୍ୟନ୍ତ ରାଜ୍ୟରେ ତିନୋଟି ଜାତୀୟ ରାଜପଥ ସମେତ ୫୭୪ ଟି ରାସ୍ତା ବନ୍ଦ ରହିଛି ଏବଂ ବିଦ୍ୟୁତ୍ ଏବଂ ପାନୀୟ ଜଳ ଯୋଗାଣ ମଧ୍ୟ ପ୍ରଭାବିତ ହୋଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ