କେନ୍ଦୁଝର, 24 ସେପ୍ଟେମ୍ବର (ହି.ସ.) କେନ୍ଦୁଝର ଜିଲ୍ଲା ପାଟଣା ନିର୍ବାଚନ ମଣ୍ଡଳୀରେ ଗ୍ରାମୀଣ ସଂଯୋଗୀକରଣ କୁ ଉନ୍ନତମାନର କରିବା ଉଦ୍ଦେଶ୍ୟରେ ରାଜ୍ୟ ସରକାର ମୁଖ୍ୟମନ୍ତ୍ରୀ ସଡ଼କ ଯୋଜନା ଅଧୀନରେ କପାସପଡ଼ାରୁ ତୁମୁରିଆ ପର୍ଯ୍ୟନ୍ତ ରାସ୍ତାର ଉନ୍ନତି ଏବଂ ପ୍ରଶସ୍ତୀକରଣକୁ ମଞ୍ଜୁର କରିଛନ୍ତି। ପ୍ରମୁଖ ଗ୍ରାମୀଣ ରାସ୍ତା ଦେଇ ଯାଇଥୁବା ୧୮ କିଲୋମିଟର ରାସ୍ତାଟି ୨୯.୫୬ କୋଟି ଟଙ୍କାର ଏକ ପ୍ରମୁଖ ଉନ୍ନତିକରଣ ପାଇଁ ସ୍ଥିର ହୋଇଛି। ଏହି ରାସ୍ତାରେ ତିନୋଟି ଗୁରୁତ୍ୱପୂର୍ଣ ଗ୍ରାମୀଣ ବିକାଶ ରାସ୍ତା ଅନୁର୍ଭୁକ୍ତ: ଜାତୀୟ ରାଜପଥ -୨୧୫ରୁ ଡୁମୁରିଆ - ୫.୭୪ କିମି, ପୂର୍ତ୍ତ ବିଭାଗ ରାସ୍ତା କୁମୁଦବହଲି - ୯.୦୮ କିମି, ଡୁମୁରିଆରୁ କୁମୁଦବହଲି -୨.୫୭ କିମି ବୋଲି ଗ୍ରାମୀଣ ବିକାଶ ମନ୍ତ୍ରୀ ରବି ନାରାୟଣ ନାଏକ ବିଧାନସଭା ଅଧିବେଶନ ସମୟରେ ପାଟଣା ବିଧାୟକ ଅଖୁଳ ଚନ୍ଦ୍ର ନାଏକଙ୍କ ଦ୍ବାରା ଉଠାଯାଇଥିବା ଏକ ପ୍ରଶ୍ନର ଲିଖିତ ଉତ୍ତରରେ ପ୍ରକଳ୍ପକୁ ନିଶ୍ଚିତ କରିଛନ୍ତି। ସେ କହିଛନ୍ତି ଯେ, ରାସ୍ତା କାର୍ଯ୍ୟ ପାଇଁ ବିସ୍ତୃତ ପ୍ରକଳ୍ପ ରିପୋର୍ଟ (DPR) ବର୍ତମାନ ପ୍ରସ୍ତୁତ ହେଉଛି। ଡିପିଆର ଚୂଡ଼ାନ୍ତ ହେବା ପରେ, ପ୍ରକଳ୍ପଟି ପ୍ରଶାସନିକ ଅନୁମୋଦନ ପାଇଁ ଆଗକୁ ବଢ଼ିବ, ପରେ ନିର୍ମାଣ ପାଇଁ ଟେଣ୍ଡର ପ୍ରକ୍ରିୟା ଆରମ୍ଭ ହେବ। ବିଧାୟକ ଶ୍ରୀ ନାଏକ କହିଛନ୍ତି ଯେ, ରାସ୍ତା ଉନ୍ନତିକରଣ ଦ୍ବାରା ପରିବହନରେ ଯଥେଷ୍ଟ ଉନ୍ନତି ହେବ, ଯାତ୍ରା ସମୟ ହ୍ରାସ ହେବ ଏବଂ ଅଞ୍ଚଳର ବାସିନ୍ଦାଙ୍କ ପାଇଁ ବଜାର, ସ୍ବାସ୍ଥ୍ୟସେବା ଏବଂ ଶିକ୍ଷାନୁଷ୍ଠାନଗୁଡ଼ିକୁ ଉତ୍ତମ ପ୍ରବେଶ ସୁବିଧା ମିଳିବ ବୋଲି ଆଶା କରାଯାଉଛି।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA