ଜୟପୁର, 24 ସେପ୍ଟେମ୍ବର (ହି.ସ.)

ସରକାରୀ ମହିଳା ମହାବିଦ୍ୟାଳୟରେ ' ଏନ୍.ଏସ୍.ଏସ୍ ' ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ. ବିବେକାନନ୍ଦ ସୁନା କାର୍ଯ୍ୟକ୍ରମକୁ ଉଦଘାଟନ କରିବା ପୂର୍ବକ ଏନ୍.ଏସ୍.ଏସ୍ ର ଲକ୍ଷ୍ୟ, ଅଭିପ୍ରାୟ ଏବଂ ଭାବନାରେ ସ୍ଵଚ୍ଛତା ଓ ନିଃସ୍ୱାର୍ଥ ସେବା ସମ୍ପର୍କରେ ଛାତ୍ରୀମାନଙ୍କୁ ଉତ୍ସାହିତ ବାଣୀ ପ୍ରଦାନ କରିଥିଲେ ।ଏହାପରେ ଓଡ଼ିଆ ବିଭାଗର ବିଭାଗୀୟ ମୁଖ୍ୟ ଡ. ଡମ୍ବରୁଧର ଦାସ ସେବାରେ କୌଣସି ପ୍ରାପ୍ତିର ଆଶା ନ ରଖିବା ଏବଂ ମହାପୁରୁଷଙ୍କ ଜୀବନରୁ ଶିକ୍ଷା ଗ୍ରହଣ କରିବା ସମ୍ପର୍କରେ କହିଥିଲେ । ଯୁକ୍ତ ଦୁଇ ଜାତୀୟ ସେବା ଯୋଜନା ଅଧିକାରୀ ଶ୍ରୀମତୀ ସୀମା ମହାପାତ୍ର ଏନ୍.ଏସ୍.ଏସ୍ ର ସଂଜ୍ଞା ପ୍ରଦାନ ପୂର୍ବକ 'ନଟ୍ ମି ବଟ୍ ୟୁ' ର ଯଥାର୍ଥତା ପ୍ରତିପାଦନ କରିଥିଲେ l ଯୁକ୍ତ ତିନି ଜାତୀୟ ସେବା ଯୋଜନା ଅଧିକାରୀ ଶ୍ରୀମତୀ ସୁନିତା କୁମାରୀ ପ୍ରଧାନ ଏନ୍.ଏସ୍.ଏସ୍ ଦିବସର ମହତ୍ତ୍ବ ପ୍ରତିପାଦନ କରିଥିଲେ ଏବଂ କାର୍ଯ୍ୟକ୍ରମର ପରିଚାଳନା କରିବା ସହିତ ଧନ୍ୟବାଦ ଅର୍ପଣ କରିଥିଲେ। ସମସ୍ତ ସ୍ବେଚ୍ଛାସେବୀଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା । ଶେଷରେ ରାଷ୍ଟ୍ରୀୟ ସେବା ଯୋଜନା ତରଫରୁ ମାଇ ଭାରତ ପୋର୍ଟାଲରେ ସ୍ଵେଚ୍ଛାସେବୀଙ୍କ ନାମ ପଞ୍ଜୀକରଣ କରିବା ପାଇଁ ଅଧ୍ୟାପକ ଆଲୋକ ମହାରଣା ଓ କାହ୍ନୁ ଚରଣ ବରଡ଼ ଦିଗଦର୍ଶନ ପ୍ରଦାନ କରିଥିଲେ । ଉକ୍ତ ସଭାରେ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଏବଂ ଛାତ୍ରୀମାନେ ଯୋଗଦେଇ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ।

---------------

ହିନ୍ଦୁସ୍ଥାନ ସମାଚାର / ପିକେପି