ଭୁବନେଶ୍ୱର, 4 ସେପ୍ଟେମ୍ବର (ହି.ସ.)

- ଏଥର ପୂଜା

ମେଲୋଡିରେ ଅଶୀଳ ନୃତ୍ୟ ମନା । ପୂଜାକୁ ନେଇ ବିମଏସିର ପ୍ରସ୍ତୁତି ବୈଠକରେ ନିଷ୍ପତ୍ତି ନିଆଯାଇଛି । ପୂଜାରେ ପାର୍କିଂକୁ ଗୁରୁତ୍ୱ

ଦିଆଯାଇଛି । ପାର୍କିଂ ନଥିଲେ ମିନା ବଜାର ପଡିବନି କି ମିଳିବନି ରାବଣ ପୋଡି ପାଇଁ ଅନୁମତି । ପ୍ଲାଷ୍ଟିକ

ମୁକ୍ତ ହେବ ପୂଜା । ମୁଖ୍ୟ ରାସ୍ତାରେ ତୋରଣ

ଲଗେଇ ପାରିବେ ନାହିଁ ପୂଜା କମିଟି । ସବୁ ଭଷାଣି

ସ୍ଥାନରେ ଖୋଲିବ କଣ୍ଟ୍ରୋଲ ରୁମ,ରଖାଯିବ ଆମ୍ବୁଲାନ୍ସ ବୋଲି ବିଏମସି ପକ୍ଷରୁ ସୂଚନା ଦିଆଯାଇଛି ।

ପୂଜା ପେଣ୍ଡାଲରେ ନିଶାକୁ ମନାର

ସଚେତନତା ଵାର୍ତା ବାଣ୍ଟିବ ପୋଲିସ । ପୂଜା ପୂର୍ବରୁ ବିଦ୍ୟୁତ ଖୁଣ୍ଟ ଓ ତାର ମରାମତିକୁ

ଗୁରୁତ୍ୱ ଦିଆଯାଇଛି । ରାସ୍ତା ଖରାପ ନେଇ ପିଡବ୍ଲଡିର ବିଭାଗୀୟ ଅଧିକାରୀଙ୍କୁ କମିଶନର ତାଗିଦ

କରିଛନ୍ତି । ପୂଜା ପୂର୍ବରୁ ସବୁ ରାସ୍ତା ମରାମତି କାମ ସାରିବା ନେଇ ଡେଡ୍ ଲାଇନ ଦିଆଯାଇଛି । ରାସ୍ତା

ଖାଲଖମାର ମରାମତି ନେଇ ସବୁ ୱାର୍ଡକୁ ଦିଆଯିବ ପାଞ୍ଚ ଲକ୍ଷ ଟଙ୍କା । ପେଣ୍ଡାଲ ନିକଟରୁ ହଟିବେ

ବୁଲା କୁକୁର । ବୈଠକରେ ବିଏମସି କମିଶନର,ମେୟର,ବିଭିନ୍ନ ୱାର୍ଡର କର୍ପୋରେଟର,ପୋଲିସ, ୱାଟକୋ, ଫାୟାର, ସବୁ ବିଭାଗର ଅଧିକାରୀ ସାମିଲ ଥିଲେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା