ହରିଦ୍ୱାର, ୮ ସେପ୍ଟେମ୍ବର (ହି.ସ.)- ପ୍ରବଳ ବର୍ଷା ଯୋଗୁଁ ସୋମବାର ସକାଳେ ଭୀମଗୋଡା କାଳୀ ମନ୍ଦିର ନିକଟ ରେଳପଥରେ ମନସା ଦେବୀ ପାହାଡ଼ରୁ ହଠାତ୍ ପ୍ରଚୁର ପରିମାଣର ଭଗ୍ନାବଶେଷ ପଡ଼ିବା ଯୋଗୁଁ ରେଳ ଚଳାଚଳ ବନ୍ଦ ହୋଇଯାଇଛି । ରେଳପଥ ଅବରୋଧ ଯୋଗୁଁ ଟ୍ରେନ୍ ଚଳାଚଳ ବାତିଲ୍ କରାଯାଇଛି ।

ହରିଦ୍ୱାର ରେଳ ଷ୍ଟେସନ୍ ଅଧୀକ୍ଷକ ଦିନେଶ କୁମାର କହିଛନ୍ତି ଯେ, ସୋମବାର ସକାଳେ ମାଟି ଏବଂ ପଥରର ଭଗ୍ନାବଶେଷ ଯୋଗୁଁ ଭୀମଗୋଡା ରେଳପଥ ସୁଡଙ୍ଗ ନିକଟରେ ରେଳପଥ ସମ୍ପୂର୍ଣ୍ଣ ବନ୍ଦ ହୋଇଯାଇଛି । ଟ୍ରାକ୍ ଉପରେ ଅବରୋଧ ଯୋଗୁଁ ଅନେକ ଟ୍ରେନ୍ ସ୍ଥଗିତ ରହିଛି ଏବଂ ଅନେକ ଟ୍ରେନ୍ ଜ୍ୱାଲାପୁର ଷ୍ଟେସନରେ ଟର୍ମିନେଟ୍ କରିବାକୁ ପଡିଥିଲା । ଏଥିରେ ଋଷିକେଶ-କୋଚିୱାଲି ଏକ୍ସପ୍ରେସ୍‌, ହାଓଡ଼ା-ଋଷିକେଶ ଏକ୍ସପ୍ରେସ୍‌, ଅମୃତସର-ଡେରାଡୁନ୍ ଏକ୍ସପ୍ରେସ୍ ଏବଂ ଋଷିକେଶ-ହରିଦ୍ୱାର ପାସେଞ୍ଜର ସମେତ ଅନେକ ଟ୍ରେନ୍ ଅନ୍ତର୍ଭୁକ୍ତ । ସେ କହିଛନ୍ତି ଯେ, ଭଗ୍ନାବଶେଷ ଯୋଗୁଁ ଡେରାଡୁନ୍‌-ହରିଦ୍ୱାର ଏବଂ ଋଷିକେଶ ରେଳପଥରେ ଟ୍ରେନ୍ ଚଳାଚଳ ପ୍ରଭାବିତ ହୋଇଛି । ରେଳ ବିଭାଗର ଟିମ୍ ଭଗ୍ନାବଶେଷ ହଟାଇବାରେ ନିୟୋଜିତ ଅଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ