ସମ୍ବଲପୁର, ୧୮, ଜାନୁଆରୀ (ହି.ସ.) ନିୟୋଜିତ ୩୮ ଟିମ୍,
ହୀରାକୁଦ ଜଳ ଭଣ୍ଡାରକୁ ୨୧ଟି ସେକ୍ଟରରେ ବିଭକ୍ତ କରାଯାଇଛି l ୪୦ ଜଣ ବନ ବିଭାଗର ଅଧିକାରୀ, ୩୮ ଜଣ ପକ୍ଷୀ ବିଶେଷଜ୍ଞ ଓ ୧୫ ଜଣ ସ୍କୁଲ କଲେଜ ଛାତ୍ରଛାତ୍ରୀ ସାମିଲ ।
ରାଜ୍ୟରେ ଆରମ୍ଭ ହୋଇଛି ପକ୍ଷୀ ଗଣନା । ଚିଲିକା, ହୀରାକୁଦରେ ପକ୍ଷୀ ଗଣନା ଆଜିଠୁ ଆରମ୍ଭ ହୋଇଛି । ସକାଳ ୬ ଟାରୁ ଆରମ୍ଭ ହୋଇଥିବା ଗଣନା ସନ୍ଧ୍ୟା ପର୍ଯ୍ୟନ୍ତ ଚାଲିବ । ପକ୍ଷୀ ଗଣନା ପାଇଁ ହୀରାକୁଦ ଜଳ ଭଣ୍ଡାରକୁ ୨୧ଟି ସେକ୍ଟରରେ ବିଭକ୍ତ କରାଯାଇଛି l ଏଥିସହ ୩୮ଟି ଟିମ ଗଠନ କରାଯାଇଥିବା ବେଳେ ଏଥିରେ ୪୦ ଜଣ ବନ ବିଭାଗର ଅଧିକାରୀ, ୩୮ ଜଣ ପକ୍ଷୀ ବିଶେଷଜ୍ଞ ଓ ୧୫ ଜଣ ସ୍କୁଲ କଲେଜ ଛାତ୍ରଛାତ୍ରୀ ସାମିଲ ହୋଇଛନ୍ତି ବୋଲି କହିଛନ୍ତି ହୀରାକୁଦ ବନ୍ୟପ୍ରାଣୀ ବିଭାଗର ଡ଼ିଏଫଓ ଅଂଶୁପ୍ରଜ୍ଞା ଦାସ l
ହୀରାକୁଦ ବନ୍ୟପ୍ରାଣୀ ବିଭାଗ ଡିଏଫ୍ଓଙ୍କ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ୨୦୨୩ରେ ୧୦୮ ପ୍ରଜାତିର ୩,୧୬,୬୭୬ ପକ୍ଷୀ ହୀରାକୁଦକୁ ଆସିଥିଲେ
୨୦୨୪ରେ ୧୧୩ ପ୍ରଜାତିର ୩,୪୨,୩୪୫ ପକ୍ଷୀ ଆସିଥିଲେ ।
୨୦୨୫ରେ ୧୨୨ ପ୍ରଜାତିର ୩,୭୭,୭୩୨ ପକ୍ଷୀ ଆସିଥିଲେ । ଏଥିରେ ଭାରତୀୟ ପକ୍ଷୀ ସହ ରୁଷିଆ, ମଙ୍ଗୋଲିଆ, ମଧ୍ୟ ଏସିଆ, ୟୁରୋପ, ତିବ୍ଦତର ଵିଦେଶାଗତ ପକ୍ଷୀ ଅଛନ୍ତି ଋଷିଆ, ମଧ୍ୟ ଏସିଆ, ମଙ୍ଗୋଲିଆ, ତିବ୍ଦତ ଓ ୟୁରୋପ ଆଦି ଦେଶରୁ ପିଣ୍ଟେଲ୍, ସୋଭେଲର୍, ଟିଲ୍, ପୋଚାର୍ଡ୍, ବାର୍ ହେଡେଡ୍ ଗୁଜ୍, ଗଡ୍ୱିଟ୍, ସାଣ୍ଡପାଇପର୍, ସ୍ନାଇପ୍ସ୍, ବ୍ରାଉନ୍ ହେଡେଡ୍, ଗୁଲ୍, ହ୍ୱିସ୍କର୍ଡ୍ ଟର୍ଣ୍ଣ ପରି ବିଦେଶୀ ପକ୍ଷୀ ଆସୁଥିବା ଡିଏଫଓ ଅଂଶୁପ୍ରଜ୍ଞା ଦାସ କହିଛନ୍ତି । ବିଦେଶୀ ବିହଙ୍ଗଙ୍କ ପାଇଁ ହୀରାକୁଦରେ ଥିବା ସ୍ବତନ୍ତ୍ର ବ୍ୟବସ୍ଥା ମଧ୍ୟରେ ହୀରାକୁଦ ବନ୍ୟପ୍ରାଣୀ ବିଭାଗର ଡିଏଫ୍ଓ ଅଂଶୁପ୍ରଜ୍ଞା ଦାସ ଆହୁରି କହିଛନ୍ତି, ‘ଶୀତ ଋତୁରେ ଋଷିଆ, ମଙ୍ଗୋଲିଆ, ମଧ୍ୟ ଏସିଆ ଆଦି ଦେଶରେ ପ୍ରବଳ ଶୀତ ଓ ବରଫପାତ ହେଉଥିବାରୁ ଏହି ପକ୍ଷୀ ମାନେ ହୀରାକୁଦକୁ ଆସନ୍ତି l ତେବେ ଏହି ପକ୍ଷୀଙ୍କ ସୁରକ୍ଷା ପାଇଁ ବନ ବିଭାଗ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥାଏ l ମୁଖ୍ୟତଃ ହୀରାକୁଦ ଜଳଭଣ୍ଡାର ୭୦୦ ସ୍କୋୟାରଫୁଟ ଅଞ୍ଚଳକୁ ପରିବ୍ୟାପ୍ତ ଥିବା ବେଳେ ଏହାର ୧୦୦ କିମି ଦୀର୍ଘ ସୋର ଲାଇନ ବା କୂଳ ରହିଛି l ତେଣୁ ପକ୍ଷୀଙ୍କୁ ସୁରକ୍ଷା ଦେବା ପାଇଁ ଏହି ସୋର ଲାଇନରେ ଯେମିତି ବୁଲା କୁକୁରଙ୍କ ପ୍ରାଦୁର୍ଭାବ ନରହିବ ସେଥିପାଇଁ ବନ ବିଭାଗ ପକ୍ଷରୁ ଜଗୁଆଳି ମୁତୟନ ହୋଇଥାନ୍ତି l ଏଥିରେ ବନ ବିଭାଗର କର୍ମଚାରୀ ତଥା ଆଖ ପାଖ ଗାଁର ସ୍ଥାନୀୟ ଲୋକଙ୍କୁ ନିୟୋଜିତ କରାଯାଉଛି l ଏହି ସମୟରେ ଅଧିକ ପକ୍ଷୀ ଥିବା ଅଞ୍ଚଳରେ ମତ୍ସ୍ୟଜୀବୀଙ୍କୁ ମଧ୍ୟ ବାରଣ କରାଯାଇଥାଏ l ମୁଖ୍ୟତଃ ଏହି ସମୟରେ ମତ୍ସ୍ୟଜୀବୀଙ୍କୁ ନାଇଲନ ଜାଲ ବ୍ୟବହାର ନକରିବାକୁ ନିର୍ଦ୍ଦେଶ ରହିଥାଏ l ଏହା ସହ ନିରନ୍ତ୍ରର ବୋଟ ପେଟ୍ରୋଲିଂ କରାଯାଇଥାଏ ବୋଲି କହିଛନ୍ତି ଡିଏଫ୍ଓ ଦାସ ।
---------------
ହିନ୍ଦୁସ୍ଥାନ ସମାଚାର / ଶୈଳେଶ
