ସମ୍ବଲପୁର, ୧୮, ଜାନୁଆରୀ (ହି.ସ.) ହୀରାକୁଦ ଜଲଭଣ୍ଡାର ସଂଲଗ୍ନ ଡେବ୍ରିଗଡ଼ ଅଭୟାରଣ୍ୟରେ ବିଗତ ଏକ ବର୍ଷ ଭିତରେ ଗୟଳଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି ବୋଲି ଡିଏଫ୍ଓ ସୂଚନା ଦେଇଛନ୍ତି l ବିଗତ ଏକ ବର୍ଷ ଭିତରେ ୩ ଥର ଗଣନା ହୋଇଥିବା ବେଳେ ପ୍ରାୟ ୧୮୯ ଟି ଗୟଳ ଅଧିକ ଚିହ୍ନଟ ହୋଇଥିବା ଜଣାପଡିଛି l ନଭେମ୍ବର ୨୦୨୪ରେ ପ୍ରଥମେ ଗଣନା ହୋଇଥିବା ବେଳେ ୬୫୯ ଟି ଗୟଳ ଥିବାର ଜଣା ପଡ଼ିଥିଲା l ତେବେ ଜାନୁଆରୀ ୨୦୨୬ରେ ହୋଇଥିବା ଗଣନା ଅନୁସାରେ ୮୪୮ ଟି ଗୟଳ ଥିବାର ଜଣାପଡିଛି l ମୁଖ୍ୟତଃ ଡେବ୍ରିଗଡ଼ରେ ଗୟଳଙ୍କୁ ସୁହାଉ ଥିବା ଉତ୍ତମ ପରିବେଶ ରହିଥିବା ବେଳେ ବନ ବିଭାଗ ପକ୍ଷରୁ ସେମାନଙ୍କୁ ଭଲ ସୁରକ୍ଷା ବ୍ୟବସ୍ଥା ଦିଆଯାଉଛି ଓ ତୃଣଭୂମି ସୃଷ୍ଟି କରାଯାଉଥିବାରୁ ଏଠାରେ ଗୟଳ ମାନଙ୍କ ବଂଶ ବୃଦ୍ଧି ହୋଇ ପାରୁଛି ବୋଲି କହିଛନ୍ତି ଓ୍ବାଇଲ୍ଡ ଲାଇଫ୍ ଡିଏଫ୍ଓ ଅଂଶୁପ୍ରଜ୍ଞା ଦାସ ।

---------------

ହିନ୍ଦୁସ୍ଥାନ ସମାଚାର / ଶୈଳେଶ