ଭୁବନେଶ୍ୱର, 18 ଜାନୁଆରି (ହି.ସ.)- କେନ୍ଦ୍ରୀୟ

ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେବ୍ରିଗଡ଼ ବନ୍ୟଜନ୍ତୁ ଅଭୟାରଣ୍ୟରେ ଗତ ଏକ ବର୍ଷ

ମଧ୍ୟରେ ବାଇସନ୍ ଜନସଂଖ୍ୟାରେ ୨୮ ପ୍ରତିଶତ

ବୃଦ୍ଧିକୁ ନେଇ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି ଯେ ଏହି ସଫଳତା ବନ୍ୟଜନ୍ତୁ ପ୍ରେମୀ

ଏବଂ ସଂରକ୍ଷକମାନଙ୍କ ପାଇଁ ଅତ୍ୟନ୍ତ ଉତ୍ସାହଜନକ।

ସୋସିଆଲ ମିଡିଆରେ ତାଙ୍କ ବାର୍ତ୍ତାରେ

ମନ୍ତ୍ରୀ ଏହାକୁ ଅଭୟାରଣ୍ୟରେ କରାଯାଉଥିବା ସଠିକ୍ ଏବଂ ନିରନ୍ତର ସଂରକ୍ଷଣ ପ୍ରୟାସର ଏକ ବଡ଼

ସଫଳତା ବୋଲି ଉଲ୍ଲେଖ କରିଛନ୍ତି। ଏହି ଉପଲବ୍ଧି ପାଇଁ ସେ ବନ ବିଭାଗ, ସଂରକ୍ଷଣ ସହିତ ଜଡିତ ଅଧିକାରୀମାନେ ଓ ସ୍ଥାନୀୟ ସମୁଦାୟଙ୍କ

ଭାଗିଦାରୀକୁ ପ୍ରଶଂସା କରିଛନ୍ତି।

ଧର୍ମେନ୍ଦ୍ର ପ୍ରଧାନ ଏହି

ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ରୀୟ ମନ୍ତ୍ରୀ ଭୂପେନ୍ଦ୍ର ଯାଦବଙ୍କ

ନେତୃତ୍ୱରେ ଚାଲୁଥିବା ଜୈବ ବିବିଧତା ଏବଂ ବନ ସୁରକ୍ଷା ପ୍ରୟାସ ପ୍ରତି ମଧ୍ୟ କୃତଜ୍ଞତା ପ୍ରକାଶ

କରିଛନ୍ତି।

ସେ କହିଛନ୍ତି ଯେ ଏପରି

ସଫଳତା ସହିତ ଦେବ୍ରିଗଡ଼ ବନ୍ୟଜନ୍ତୁ ଅଭୟାରଣ୍ୟ ଏବେ ଦେଶରେ ସଂରକ୍ଷଣର ଏକ ଆଦର୍ଶ ମଡେଲ୍ ଭାବେ

ଉଭା ହେଉଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା