ଚେନ୍ନାଇ, ୦୨ ଜାନୁଆରୀ(ହି.ସ.) – ତାମିଲନାଡ଼ୁର ରାଜଧାନୀ ଚେନ୍ନାଇର ବାନଗର ସ୍ଥିତ ଡା. ଏମ୍.ଜି.ଆର୍. ଶିକ୍ଷା ଏବଂ ଶୋଧ ବିଶ୍ୱବିଦ୍ୟାଳୟରେ ଶୁକ୍ରବାର ଦିନ ୩୪ତମ ଦୀକ୍ଷାନ୍ତ ସମାରୋହ ଭବ୍ୟ ରୂପେ ଆୟୋଜିତ କରାଯାଇଛି। ସମାରୋହରେ ଉପରାଷ୍ଟପତି ସିପି ରାଧାକୃଷ୍ଣନ ମୁଖ୍ୟ ଅତିଥି ରୂପେ ସାମିଲ ହୋଇଥିଲେ ଏବଂ ବିଦ୍ୟାର୍ଥୀମାନଙ୍କୁ ଡିଗ୍ରୀ ପ୍ରଦାନ କରି ତାଙ୍କ ଉଜ୍ଜ୍ୱଳ ଭବିଷ୍ୟର କାମନା କରିଥିଲେ।
ଦୀକ୍ଷାନ୍ତ ସମାରୋହ ଅବସରରେ ମୋଟ ୫,୫୦୦ରୁ ଅଧିକ ଛାତ୍ରଙ୍କୁ ବିଭିନ୍ନ ବିଷୟରେ ଡିଗ୍ରୀ ପ୍ରଦାନ କରାଯାଇଛି। ଏଥିରେ ସାମାନ୍ୟ ଚିକିତ୍ସା ସହିତ ବିଭିନ୍ନ କ୍ଷେତ୍ରରେ ଉତ୍କୃଷ୍ଟ ପ୍ରଦର୍ଶନ କରିଥିବା ୨୦ରୁ ଅଧିକ ମେଧାବୀ ଛାତ୍ରଙ୍କୁ ଉପରାଷ୍ଟ୍ରପତି ଦ୍ୱାରା ବିଶେଷ ରୂପେ ଡିଗ୍ରୀ ଏବଂ ସମ୍ମାନ ପ୍ରଦାନ କରାଯାଇଛି।
ଦୀକ୍ଷାନ୍ତ ସମାରୋହକୁ ସମ୍ବୋଧିତ କରି ଉପରାଷ୍ଟ୍ରପତି ସିପି ରାଧାକୃଷ୍ଣନ ସମସ୍ତଙ୍କୁ ନବବର୍ଷର ଶୁଭକାମନା ଦେଇଛନ୍ତି। ସେ କହିଛନ୍ତି ଯେ ନୂଆ ବର୍ଷ ନିଜମଧ୍ୟରେ ସୌହାର୍ଦ୍ଦ୍ୟ ଏବଂ ଶୁଭେଚ୍ଛା ସହିତ ପାଳନ କରାଯିବା ଦରକାର। ସେ କହିଛନ୍ତି ଯେ ଚେନ୍ନାଇ ପରି ମହାନଗରରେ ନୂଆ ବର୍ଷ ପରେ ଏହା ତାଙ୍କର ପ୍ରଥମ କାର୍ଯ୍ୟକ୍ରମ ଏବଂ ଏହି ସହର ସବୁବେଳେ ପରିବର୍ତନକୁ ଖୋଲା ମନରେ ଆପଣାଇବା ପାଇଁ ଜଣାଯାଏ।
ହିନ୍ଦୁସ୍ଥାନ ସମାଚାର/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି
