ଧର୍ମଶାଳା,୭ଜାନୁଆରୀ(ହି.ସ.) - ଲାଇଟ୍ ଅଫ୍ ବୌଦ୍ଧ ଧର୍ମ ଫାଉଁଣ୍ଡେସନ ଓ ରାଜ୍ୟ ପର୍ଯ୍ୟଟନ,ସଂସ୍କୃତି ଓ ଭାଷା ସାହିତ୍ୟ ମିଳିତ ଆନୁକୂଳ୍ୟରେ ଆଗାମୀ ୧୧ ତାରିଖଠାରୁ ୧୬ ତାରିଖ ପର୍ଯ୍ୟନ୍ତ ଯାଜପୁର ଜିଲାର ହୀରକ ଚତୃଭୂଜ ପରିଚିତ ଉୟଗିରିଠାରେ ୨ୟ ବୁଦ୍ଧ ଗୁରୁ ପଦ୍ମ ସମ୍ଭବଙ୍କ ୨ୟ ବାର୍ଷିକ ସମ୍ମିଳନୀ ଆୟୋଜିତ ହେବାକୁ ଯାଉଛି । ଏଥିରେ ବିଭିନ୍ନ ରାଜ୍ୟ ସମେତ ୧୭ ଗୋଟି ବିଦେଶରୁ ୨୫ଶହରୁ ଉର୍ଦ୍ଧ ବୌଦ୍ଧଭିକ୍ଷୁମାନେ ଯୋଗ ଦେବା ନିମନ୍ତେ ସ୍ୱୀକୃତି ପ୍ରଦାନ କରିଛନ୍ତି । ସେମାନଙ୍କର ରହିବା,ଖାଦ୍ୟପେୟ ଓ ଶୌଚାଳୟ ପାଇଁ ମଝିପଡା ଓ ରତ୍ନଗିରିଠାରେ ବ୍ୟାପକ ଅସ୍ଥାୟୀ ବନ୍ଦୋବସ୍ତ କରାଯାଇଛି । ଏହି ସମ୍ମିଳନୀ ଜାନୁଆରୀ ମାସ ୧୧ ତାରିଖଠାରୁ ଆରମ୍ଭ ହୋଇ ୧୬ ତାରିଖ ପର୍ଯ୍ୟନ୍ତ ଚାଲିବ । ବିଭିନ୍ନ ଦିବସମାନଙ୍କରେ ଉପ-ମୁଖ୍ୟମନ୍ତ୍ରୀ,ରାଜ୍ୟ ସଂସ୍କୃତି ମନ୍ତ୍ରୀ , ଯାଜପୁର ସଂସଦ ଓ ସ୍ଥାନୀୟ ଲୋକପ୍ରତିନିଧି ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ସ୍ଥିର ହୋଇଛି ବୋଲି ଲାଇଟ୍ ଅଫ ବୁଦ୍ଧ ଫାଉଁଣ୍ଡେସନର ନିର୍ଦ୍ଦେଶକ ରଂଜନ କୁମାର କହିଛନ୍ତି ।
ହିନ୍ଦୁସ୍ଥାନ ସମାଚାର / ଚିନ୍ମୟ
