ନୂଆଦିଲ୍ଲୀ, ୧୬ ଅକ୍ଟୋବର (ହି.ସ.)। ଜାତୀୟ ସୁରକ୍ଷା ଗାର୍ଡ (ଏନ୍ଏସ୍ଜି)ର ୪୨ତମ ପ୍ରତିଷ୍ଠା ଦିବସ ଅବସରରେ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଳର ଯବାନମାନଙ୍କୁ ଶୁଭେଚ୍ଛା ଜଣାଇବା ସହ ଆତଙ୍କବାଦ ବିରୋଧରେ ସେମାନଙ୍କ ସତର୍କତା, ସାହସ ଏବଂ କର୍ତ୍ତବ୍ୟ ପ୍ରତି ଅତୁଟ ପ୍ରତିବଦ୍ଧତାର ଉଚ୍ଚ ପ୍ରଶଂସା କରିଛନ୍ତି।

ସାମାଜିକ ଗଣମାଧ୍ୟମରେ ନିଜ ବାର୍ତ୍ତାରେ ପ୍ରଧାନମନ୍ତ୍ରୀ କହିଛନ୍ତି ଯେ, ଏନ୍ଏସ୍ଜି ଯବାନମାନେ ସାହସ, ନିଖୁଣତା ଏବଂ କର୍ତ୍ତବ୍ୟ ପ୍ରତି ଅତୁଟ ସମର୍ପଣର ପ୍ରତୀକ। ଆତଙ୍କବାଦ ବିରୋଧରେ ସେମାନଙ୍କ ନିରନ୍ତର ସତର୍କତା ଏବଂ ଦେଶର ନାଗରିକଙ୍କ ସହ ଗୁରୁତ୍ୱପୂର୍ଣ୍ଣ ଜାତୀୟ ସମ୍ପତ୍ତିର ସୁରକ୍ଷା ପାଇଁ ସେମାନଙ୍କ ସର୍ବଦା ପ୍ରସ୍ତୁତି ଦେଶବାସୀଙ୍କ ମନରେ ଅପାର ବିଶ୍ୱାସ ଓ ଗର୍ବର ଭାବନା ସୃଷ୍ଟି କରେ।

ଉଲ୍ଲେଖଯୋଗ୍ୟ, ଜାତୀୟ ସୁରକ୍ଷା ଗାର୍ଡ ଦେଶର ଏକ ସ୍ୱତନ୍ତ୍ର ଆତଙ୍କବାଦ ବିରୋଧୀ ବଳ। ଏହା ସାଧାରଣତଃ ‘ବ୍ଲାକ୍ କ୍ୟାଟ୍ସ’ ନାମରେ ପରିଚିତ। କେନ୍ଦ୍ର ଗୃହ ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା ଏହି ବଳ ଆତଙ୍କବାଦର ମୁକାବିଲା ଏବଂ ସ୍ୱତନ୍ତ୍ର ସୁରକ୍ଷା ଅଭିଯାନ ପରିଚାଳନାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ।

ହିନ୍ଦୁସ୍ଥାନ ସମାଚାର / ସମନ୍ୱୟ