ତିନି ଦିନିଆ ଗସ୍ତରେ ଭାରତ ଆସିବେ ନେପାଳର ଆର୍ଏସ୍ପି ସଭାପତି ରବି ଲାମିଛାନେ

କାଠମାଣ୍ଡୁ, ୨୩ ଅକ୍ଟୋବର (ହି.ସ.)। ନେପାଳର ଶାସକ ଦଳ ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି (ଆର୍ଏସ୍ପି)ର ସଭାପତି ରବି ଲାମିଛାନେ ତିନି ଦିନିଆ ଗସ୍ତରେ ଭାରତ ଆସିବାକୁ ଯାଉଛନ୍ତି। ତାଙ୍କର ଏହି ଗସ୍ତକୁ ବ୍ୟକ୍ତିଗତ ଓ ପାରିବାରିକ ତୀର୍ଥଯାତ୍ରା ବୋଲି କୁହାଯାଇଛି। ସେ ଶୁକ୍ରବାରଠାରୁ ତିନି ଦିନ ପାଇଁ ଭାରତ ଗସ୍ତରେ ବାହାରିବେ ବୋଲି ତାଙ୍କର ବ୍ୟକ୍ତିଗତ ସଚିବାଳୟ ପକ୍ଷରୁ ସୂଚନା ଦିଆଯାଇଛି।

ବ୍ୟକ୍ତିଗତ ସଚିବାଳୟ ପକ୍ଷରୁ ଜାରି ପ୍ରେସ୍ ବିଜ୍ଞପ୍ତି ଅନୁଯାୟୀ, ତିନି ଦିନିଆ ଆଧ୍ୟାତ୍ମିକ ଓ ପାରିବାରିକ ଗସ୍ତ ଶେଷ କରି ଲାମିଛାନେ ସ୍ୱଦେଶ ଫେରିବେ।

ଏହି ଗସ୍ତ ସମୟରେ ଲାମିଛାନେ ନିଜ ପରିବାର ସହିତ ଭାରତର ଉତ୍ତରାଖଣ୍ଡ ରାଜ୍ୟର ନୈନିତାଲସ୍ଥିତ କୈଞ୍ଚି ଧାମ ଏବଂ ଆସାମର ଗୁଆହାଟୀସ୍ଥିତ କାମାକ୍ଷା ମନ୍ଦିରକୁ ଯାଇ ପୂଜାର୍ଚ୍ଚନା କରିବେ।

ହିନ୍ଦୁସ୍ଥାନ ସମାଚାର / ସ୍ୱାଗତିକା