Bhubaneswar, 26 ଅକ୍ଟୋବର (ହି.ସ.)

ଜୟପୁର ଜୁଆ ଖେଳ ଚାଲୁଥିବା ବେଳେ ଜୟପୁର ସଦର ପୋଲିସ ଚଢ଼ାଉ କରିଛି l 4ଟି ସ୍ଥାନରେ ଚଢ଼ାଉ କରି 19 ଜୁଆଡ଼ି କୁ ଗିରଫ କରିଛି l ଜୁଆ ଖେଳ ବିରୋଧରେ ସ୍ୱତନ୍ତ୍ର ଚଢ଼ାଉ ଅଭିଯାନ ସମୟରେ ଜୟପୁର ସଦର ଥାନା ପକ୍ଷରୁ ୦୪ଟି ମାମଲା ରୁଜୁ କରାଯାଇଛି। ଏହି ମାମଲାଗୁଡ଼ିକ ହେଉଛି କେସ୍ ନମ୍ବର ୩୫୦, ୩୫୨, ୩୫୩ ଓ ୩୫୪/୨୦୨୬, ଯାହା ଓପିଜି ଆଇନ ର ଧାରା ୦୩ ଅନୁଯାୟୀ ରୁଜୁ ହୋଇଛି।ଜୟପୁର ସଦର ଥାନା ଅନ୍ତର୍ଗତ ଫୁଲବାଡ଼, ମାଳିଦକେଇପୁଟ ଦାମାପୁଟ ଓ ଘିଉରୀ ଗ୍ରାମରେ ଜୁଆ ଖେଳ ଚାଲୁଥିବା ସମୟରେ ଚଢ଼ାଉ କରାଯାଇଛି l ଚଢ଼ାଉ କରି ୧୯ ଜଣଙ୍କୁ ଜୁଆଡ୍ଡୀ କୁ ଗିରଫ କରାଯାଇଛି। ସେମାନଙ୍କଠାରୁ ନଗଦ ୧୯,୦୬୦ ଟଙ୍କା ସହ ଜୁଆ ଖେଳରେ ବ୍ୟବହୃତ ସାମଗ୍ରୀ ଜବତ କରାଯାଇଥିବା ବିଷୟ ସଦର ଥାନା ଅଧିକାରୀ ସଚିନ୍ଦ୍ର ପ୍ରଧାନ ସୂଚନା ଦେଇଛନ୍ତି l

---------------

ହିନ୍ଦୁସ୍ଥାନ ସମାଚାର / ପିକେପି