ନୂଆଦିଲ୍ଲୀ, 25 ମାର୍ଚ୍ଚ (ହି.ସ.)- କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ
ମଙ୍ଗଳବାର ରାତିରେ ପେଟର ସଂକ୍ରମଣ ଅଭିଯୋଗ ପରେ ଦିଲ୍ଲୀର ସର ଗଙ୍ଗା ରାମ ହସ୍ପିଟାଲରେ ଭର୍ତ୍ତି
କରାଯାଇଛି। ଡାକ୍ତରମାନଙ୍କ ଅନୁସାରେ, ବର୍ତ୍ତମାନ ତାଙ୍କ ଅବସ୍ଥା ସ୍ଥିର ଅଛି।
ବୁଧବାର ଦିନ ହସ୍ପିଟାଲ ପକ୍ଷରୁ ଜାରି ବୁଲେଟିନ ଅନୁଯାୟୀ, ସୋନିଆ ଗାନ୍ଧୀଙ୍କୁ
ମଙ୍ଗଳବାର ରାତି ୧୦:୨୨ରେ ସର ଗଙ୍ଗା ରାମ ହସ୍ପିଟାଲରେ ଭର୍ତ୍ତି କରାଯାଇଥିଲା।
ହସ୍ପିଟାଲର ଅଧ୍ୟକ୍ଷ ଡା. ଅଜୟ ସ୍ୱରୂପ ଏକ ବିଜ୍ଞପ୍ତି ଜାରି କରି
କହିଥିଲେ ଯେ ଡାକ୍ତରମାନେ ତାଙ୍କ ଅବସ୍ଥା ଉପରେ ଲଗାତାର ନଜର ରଖୁଛନ୍ତି। ତାଙ୍କର ବିସ୍ତୃତ
ପରୀକ୍ଷା କରାଯାଉଛି, ଯେଉଁଥିରେ ପେଟ ଏବଂ
ୟୁରିନାରି ଟ୍ରାକ୍ଟରେ ସମ୍ଭାବ୍ୟ ସଂକ୍ରମଣର ଯାଞ୍ଚ ମଧ୍ୟ ଅନ୍ତର୍ଭୁକ୍ତ। ଚିକିତ୍ସା ଭାବେ
ତାଙ୍କୁ ଏଣ୍ଟିବାୟୋଟିକ୍ସ ଦିଆଯାଉଛି। ଏକ ବିଶେଷଜ୍ଞ ଡାକ୍ତର ଦଳ ତାଙ୍କୁ ନିରନ୍ତର ନଜରରେ ରଖି
ଆବଶ୍ୟକ ଚିକିତ୍ସା ସେବା ପ୍ରଦାନ କରୁଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
26 Mar 2026
