ନୂଆଦିଲ୍ଲୀ, 06 ମାର୍ଚ୍ଚ (ହି.ସ.)- ଦିଲ୍ଲୀ ବିଧାନସଭା
ବିଶେଷାଧିକାର କମିଟିର କାର୍ଯ୍ୟବିଧିକୁ ଲାଇଭ୍ ଷ୍ଟ୍ରିମିଂ କରିବା ପାଇଁ ଆମ ଆଦମୀ ପାର୍ଟିର
ସଂଯୋଜକ ଅରବିନ୍ଦ କେଜ୍ରିୱାଲଙ୍କ ଅନୁରୋଧକୁ ଖାରଜ କରିଦେଇଛି।
ଦିଲ୍ଲୀ ବିଧାନସଭା ଆଜି
ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପତ୍ର ଲେଖି ବିଶେଷାଧିକାର କମିଟିର
କାର୍ଯ୍ୟବିଧିର ଲାଇଭ୍ ଷ୍ଟ୍ରିମିଂ ପାଇଁ ତାଙ୍କ ଅନୁରୋଧକୁ ଖାରଜ କରିଥିବା କଥା ଜଣାଇଛି।
‘ଫାଁସି ଘର’ ସହ ସମ୍ପୃକ୍ତ ମାମଲାରେ କମିଟି କେଜ୍ରିୱାଲଙ୍କୁ ସମନ୍ ଜାରି କରି ଶୁକ୍ରବାର
ବିକେଳ ୩ଟାରେ ଉପସ୍ଥିତ ହେବାକୁ ନିର୍ଦ୍ଦେଶ ଦେଇଛି।
ଏହା ପରେ ଗୁରୁବାର
କେଜ୍ରିୱାଲ ଏକ ପତ୍ର ଲେଖି ବିଶେଷାଧିକାର କମିଟିର କାର୍ଯ୍ୟବିଧିକୁ ଲାଇଭ୍ ଷ୍ଟ୍ରିମିଂ କରିବା
ପାଇଁ ଅନୁରୋଧ କରିଥିଲେ।
ଅଧ୍ୟକ୍ଷଙ୍କ ନିର୍ଦ୍ଦେଶ
ଅନୁସାରେ ବିଶେଷାଧିକାର କମିଟିର କାର୍ଯ୍ୟବିଧି ଗୋପନୀୟ ହୋଇଥାଏ ଏବଂ ପ୍ରକ୍ରିୟା ନିୟମ ଏହାର
ଲାଇଭ୍ ଷ୍ଟ୍ରିମିଂକୁ ଅନୁମତି ଦିଏ ନାହିଁ। ଏହା ସହିତ, ବିଶେଷାଧିକାର କମିଟିର ବୈଠକ ସଂସଦ କିମ୍ବା ଅନ୍ୟ ରାଜ୍ୟଗୁଡିକରେ ପ୍ରସାରଣ (ଟେଲିକାଷ୍ଟ)
ହେବାର କୌଣସି ଉଦାହରଣ ମଧ୍ୟ ନାହିଁ।
ଅଧ୍ୟକ୍ଷ ଏହି ମାମଲାରେ
କେଜ୍ରିୱାଲଙ୍କୁ ଏହି ସୂଚନା ନଥିବା ନେଇ ଆଶ୍ଚର୍ଯ୍ୟ ପ୍ରକାଶ କରିଛନ୍ତି, କାରଣ ସେ ୧୦ ବର୍ଷରୁ ଅଧିକ ସମୟ ଧରି ବିଧାନସଭାର ସଦସ୍ୟ ରହିଛନ୍ତି।
ଏହି ସମୟରେ ବିଶେଷାଧିକାର କମିଟିର ଅନେକ ବୈଠକ ହୋଇଛି, କିନ୍ତୁ କୌଣସି
ବୈଠକ ମଧ୍ୟ କେବେ ପ୍ରସାରଣ କିମ୍ବା ଲାଇଭ୍ ଷ୍ଟ୍ରିମିଂ କରାଯାଇନି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
07 Mar 2026
ଏନଏଚଆରସିଙ୍କ ହସ୍ତକ୍ଷେପ ପରେ ଥାଇଲ୍ୟାଣ୍ଡରେ ନିର୍ଯାତିତ ଛଅ ଓଡ଼ିଆ ଶ୍ରମିକଙ୍କୁ ଫେରାଇ ଆଣିଲା ବୈଦେଶିକ ବ୍ୟାପାର ମନ୍ତ୍ରଣାଳୟ
07 Mar 2026