ସିଲଙ୍ଗ, ୬ ମାର୍ଚ୍ଚ (ହି.ସ.) – ମେଘାଳୟର ସମୃଦ୍ଧ ଜୈବ ବିବିଧତାରେ ଆଉଏକ ଗୁରୁତ୍ୱପୂର୍ଣ୍ଣ ସଫଳତା ଯୋଡ଼ି ହୋଇଛି । ଗବେଷକମାନେ ରାଜ୍ୟରେ ପ୍ରଥମ ଥର ପାଇଁ ୟାଙ୍ଗର ଫ୍ରିଲ ଲିମ୍ବଡ଼ ଟ୍ରିି ଫ୍ରାଗ (କୁରିକ୍ସାଲସ ୟାଙ୍ଗି) ର ଉପସ୍ଥିତି ରେକର୍ଡ଼ କରିଛନ୍ତି, ଯାହା ଏହି ଅଂଚଳରେ ଏ ପର୍ଯ୍ୟନ୍ତ ଅନୁସନ୍ଧାନିତ ଉଭୟଚର ବିବିଧତାକୁ ଉଜାଗର କରିଛି । ଦକ୍ଷିଣ ପଶ୍ଚିମ ଖାସି ପାହାଡ଼ ଜିଲ୍ଲାର ମାୱପତ ଗାଁରେ ହୋଇଥିବା ଏକ ଉଭୟଚର ସର୍ଭେ ସମୟରେ ଏହି ବିରଳ ଗଛରେ ରହୁଥିବା ବେଙ୍ଗ ମିଳିଥିଲା । ହେଲ୍ପ ଆର୍ଥ ସହିତ ଜଡ଼ିତ ପ୍ରସିଦ୍ଧ ବନ୍ୟପ୍ରାଣୀ ଗବେଷକ ଜୟଦିତ୍ୟ ପୁରକାୟସ୍ଥଙ୍କ ସହଯୋଗରେ ଆସାମ ଡନ୍ ବାସ୍କୋ ୟୁନିଭରସିଟିର ପବିତ୍ରତା ୱାରଜରି ଏବଂ ମଧୁରିମା ଦାସ ଏହି ସର୍ଭେ କରିଥିଲେ । ଏହି ଛୋଟ ବେଙ୍ଗଟି ୧୦ ଅକ୍ଟୋବର ୨୦୨୪ରେ ସମୁଦ୍ର ପତନରୁ ପ୍ରାୟ ୧୩୫୫ ମିଟର ଉଚ୍ଚତାରେ ରେକର୍ଡ଼ କରାଯାଇଥିଲା । ଗବେଷକମାନେ ମାଇଟୋକାଣ୍ଡ୍ରିୟଲ ୧୬ ଏସ ଆରଆରଏନଏ ଜିନର ବିସ୍ତୃତ ଆକୃତି ଅଧ୍ୟୟନ ଏବଂ ଜେନେଟିକ୍ ବିଶ୍ଳେଷଣ ମାଧ୍ୟମରେ ପ୍ରଜାତିକୁ ନିଶ୍ଚିତ କରିଛନ୍ତି । ଏହାର ନମୁନାକୁ ଅଧିକ ବୈଜ୍ଞାନିକ ଅଧ୍ୟୟନ ପାଇଁ ଆସାମ ଡନ୍ ବାସ୍କୋ ବିଶ୍ୱବିଦ୍ୟାଳୟର ପ୍ରାଣୀ ବିଜ୍ଞାନ ସଂଗ୍ରାହଳୟରେ ସଂରକ୍ଷିତ ରଖାଯାଇଛି ବୋଲି ସରକାରୀ ସୂତ୍ରରୁ ଜଣାପଡ଼ିଛି ।

ହିନ୍ଦୁସ୍ଥାନ ସମାଚାର / ଭାନୁ ଚରଣ