ଚଣ୍ଡିଗଡ, 07 ମାର୍ଚ୍ଚ (ହି.ସ.)- ପଞ୍ଜାବ–ହରିୟାଣା ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ

ଦେଇ ଗୁରୁମିତ ରାମ ରହିମ ସିଂହକୁ ସାମ୍ବାଦିକ ହତ୍ୟା ମାମଲାରେ ମୁକ୍ତ କରିଛନ୍ତି। ଏହି ରାୟ

ଶନିବାର ସକାଳେ ପଂଜାବ-ହରିୟାଣା ହାଇକୋର୍ଟର ମୁଖ୍ୟ ବିଚାରପତି ସିଲା ନାଗୁଓ ବିଚାରପତି ବୀରେନ୍ଦ୍ର

ଅଗ୍ରୱାଲଙ୍କ ଦ୍ୱାରା ଗଠିତ ଖଣ୍ଡପୀଠ ଦେଇଛନ୍ତି।

ଏହି ରାୟ ସିବିଆଇ କୋର୍ଟ ଦ୍ୱାରା ପ୍ରାୟ ସାତ ବର୍ଷ ପୂର୍ବରୁ

ସାମ୍ବାଦିକ ରାମଚନ୍ଦ୍ର ଛତ୍ରପତିଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ପରେ ଆସିଛି।

ଦୀର୍ଘ ତଦନ୍ତ ପରେ ଏହି ମାମଲା ସିବିଆଇକୁ ହସ୍ତାନ୍ତର କରାଯାଇଥିଲା।

ସିବିଆଇ ଗୁରୁମିତ ରାମ ରହିମ ସିଂହ ଓ ଅନ୍ୟମାନଙ୍କ ବିରୋଧରେ ହତ୍ୟା ମାମଲା ରୁଜୁ କରିଥିଲା।

ବର୍ତ୍ତମାନ ଗୁରୁମିତ ରାମ ରହିମ ସିଂହଅନ୍ୟାନ୍ୟ ମାମଲାରେ କାରାଦଣ୍ଡ ଭୋଗୁଛନ୍ତି, ଯେଉଁଥିରେ ଦୁଷ୍କର୍ମ

ଓ ଅନ୍ୟାନ୍ୟ ଅପରାଧ ସମ୍ପର୍କିତ ଅଭିଯୋଗ ରହିଛି।

ହାଇକୋର୍ଟର ଏହି ନୂତନ ରାୟ ଦୀର୍ଘ ସମୟ ଧରି ଚାଲୁଥିବା ଛତ୍ରପତି

ହତ୍ୟା ମାମଲାରେ ଏକ ବଡ଼ ଆଇନଗତ ପରିବର୍ତ୍ତନ ଭାବେ ଦେଖାଯାଉଛି। ସିବିଆଇ ତଦନ୍ତ ପରେ 2019

ମସିହାରେ ଏହି ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା।

ରାମଚନ୍ଦ୍ର ଛତ୍ରପତି ସିର୍ସାରୁ ଏକ ସମ୍ବାଦପତ୍ର ପ୍ରକାଶ କରୁଥିଲେ।

ସେ ଡେରା ସଚ୍ଚା ସୌଦାସହ ଜଡିତ ଅନେକ ଖବରକୁ ଗୁରୁତ୍ୱ ସହ ଉଠାଇଥିଲେ। ସାଧ୍ୱୀ ଯୌନ ଶୋଷଣ

ମାମଲା ସମ୍ପର୍କିତ ଖବର ସେ ସବୁଠାରୁ ପ୍ରଥମେ ନିଜ ଲୋକାଲ୍ ସମ୍ବାଦପତ୍ରରେ ପ୍ରକାଶ କରିଥିଲେ।

ଏହା ପରେ କିଛି ସମୟ ମଧ୍ୟରେ ତାଙ୍କ ହତ୍ୟା କରାଯାଇଥିଲା।

ଶନିବାର ହାଇକୋର୍ଟ ଏହି ମାମଲାରେ ଗୁରୁମିତ ରାମ ରହିମ ସିଂହକୁ ମୁକ୍ତ

କରିଥିବାବେଳେ ଅନ୍ୟ ତିନି ଅଭିଯୁକ୍ତ କୁଲଦୀପ ସିଂ, ନିର୍ମଳ ସିଂ, କ୍ରିଷ୍ଣ ଲାଲଙ୍କ ଅପିଲ୍

ଖାରଜ କରି ତାଙ୍କ ଦଣ୍ଡାଦେଶ ବଳବତ୍ତର ରଖିଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା