ଚଣ୍ଡିଗଡ଼, ଏପ୍ରିଲ ୧୫ (ହି.ସ.)- ପଞ୍ଜାବର ଫତେହଗଡ଼ ସାହିବରେ ଗତକାଲି ରାତିରେ ଘଟିଥିବା ଏକ ସଡ଼କ ଦୁର୍ଘଟଣାରେ ୭ ଜଣ ଭକ୍ତ ପ୍ରାଣ ହରାଇଥିବାବେଳେ ୨୧ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଦୁଇ ଜଣ ଭାଇ ଏବଂ ସେହି ଗାଁର ପାଞ୍ଚ ଜଣ ବ୍ୟକ୍ତି ଅଛନ୍ତି। ସମସ୍ତ ପୀଡିତ ଆନନ୍ଦପୁର ସାହିବରେ ବୈଶାଖୀ ଉତ୍ସବରେ ଅଂଶଗ୍ରହଣ କରି ଫେରୁଥିଲେ। ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଅଧିକାଂଶ ଭକ୍ତ ମୈନମାଜରା ଗ୍ରାମରେ ଓହ୍ଲାଇବାକୁ ଯୋଜନା କରିଥିଲେ, କିନ୍ତୁ ପ୍ରାୟ ଦୁଇ କିଲୋମିଟର ପୁର୍ବରୁ ଏହି ଦୁର୍ଘଟଣା ଘଟିଥିଲା।ବୈଶାଖୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଯୋଗଦେବା ପାଇଁ ଲକ୍ଷ ଲକ୍ଷ ଭକ୍ତ ଆନନ୍ଦପୁର ସାହିବରେ ଏକତ୍ରିତ ହୋଇଥିଲେ। ବିଳମ୍ବିତ ରାତିରେ,କୀର୍ତ୍ତନ ଦରବାର ଏବଂ ଲଙ୍ଗର ପରେ, ଭକ୍ତମାନେ ନିଜ ନିଜ ଘରକୁ ଫେରିବା ପାଇଁ ବସ୍ ଚଢ଼ିଥିଲେ। ଫତେହଗଡ଼ ସାହିବରୁ ଆସିଥିବା ଏହି ବସରେ ପ୍ରାୟ ୪୦ ଜଣ ଭକ୍ତ ଥିଲେ।ସେମାନଙ୍କ ମଧ୍ୟରୁ ଅଧିକାଂଶ ମୈନମାଜରା ଗାଁରେ ଓହ୍ଲାଇବାକୁ ଥିଲେ। ବସ୍ ଟି ହିମ୍ମତପୁରା ଗାଁ ନିକଟରେ ପହଞ୍ଚିବା ମାତ୍ରେ ଏଥିରେ ଏକ ଯାନ୍ତ୍ରିକ ତ୍ରୁଟି ଦେଖାଦେଲା, ଯାହା ଫଳରେ ଏକ ପୋଲରେ ଧକ୍କା ହୋଇ ଓଲଟି ପଡ଼ିଲା। ଆହତମାନଙ୍କ ମଧ୍ୟରୁ କିଛି ଦାବି କରିଛନ୍ତି ଯେ ଖମ୍ବରେ ଧକ୍କା ହେବା ପରେ ବସ ରୋ କରେଣ୍ଟ ଲାଗିଯାଇଥିଲା।
---------------
ହିନ୍ଦୁସ୍ଥାନ ସମାଚାର / ରଶ୍ମିତା