ଲକ୍ଷ୍ନୌ, ୨୩

ଏପ୍ରିଲ (ହି.ସ.)। ଦେଶର ଯୁବକ ମାନଙ୍କୁ

ନିଶାମୁକ୍ତ କରିବା ସହ ଯୁବ ସମାଜମାନଙ୍କୁ କ୍ରୀଡା ଏବଂ ସୁସ୍ଥ ଜୀବନଶୈଳୀ ପ୍ରତି

ପ୍ରେରିତ କରିବା ସହିତ “ବିକଶିତ ଭାରତ”ର ସଂକଳ୍ପକୁ ସମସ୍ତଙ୍କ ମଧ୍ୟରେ ପହଞ୍ଚାଇବା ଉଦ୍ଦେଶ୍ୟରେ

ଆରମ୍ଭ ହୋଇଥିବା ‘ଅପରେସନ ସିନ୍ଦୂର: ୯ ସଂକଳ୍ପ ବିକଶିତ ଭାରତ–ଚାରଧାମ ସାଇକେଲ ଯାତ୍ରା’ ଉତ୍ତର

ପ୍ରଦେଶର ରାଜଧାନୀ ଲକ୍ଷ୍ନୌରେ ପହଞ୍ଚିଛି।

ହରିୟାଣାର ପାଣିପତରୁ ଆରମ୍ଭ ହୋଇଥିବା ଏହି ଯାତ୍ରା ବର୍ତ୍ତମାନ ବ୍ୟକ୍ତିଗତ ପ୍ରୟାସକୁ ଅତିକ୍ରମ

କରି ଜାତୀୟ ସ୍ତରର ଜନଜାଗରଣ ଅଭିଯାନର ରୂପ ନେଇଛି।

ପାନିପତ ନିବାସୀ ଯୁବ

ସାମାଜିକ କର୍ମୀ ଦୀପକ ଶର୍ମା ଏହି ଯାତ୍ରାର ଆରମ୍ଭ ୨୫ ମଇ ୨୦୨୫ ତାରିଖରେ କରିଥିଲେ।

ଏପର୍ଯ୍ୟନ୍ତ ସେ ୧୩ ହଜାର କିଲୋମିଟରରୁ ଅଧିକ ଦୂରତା ଅତିକ୍ରମ କରିସାରିଛନ୍ତି ଏବଂ ୨୦ରୁ ଅଧିକ

ରାଜ୍ୟ ଭ୍ରମଣ କରିଛନ୍ତି। ତାଙ୍କ ଲକ୍ଷ୍ୟ ପ୍ରାୟ ୧୫ ହଜାର କିଲୋମିଟର ଯାତ୍ରା ସମ୍ପୂର୍ଣ୍ଣ କରି

ସାରା ଦେଶରେ ସଚେତନତା ପ୍ରସାର କରିବା।

ଦୀପକ ଶର୍ମା ହିନ୍ଦୁସ୍ଥାନ

ସମାଚାରକୁ କହିଛନ୍ତି ଯେ ଦେଶରେ ଯୁବମାନଙ୍କ

ସମ୍ମୁଖୀନ ନଶାର ବୃଦ୍ଧିଶୀଳ ପ୍ରବୃତ୍ତି,

ଶାରୀରିକ ନିଷ୍କ୍ରିୟତା ଏବଂ ଲକ୍ଷ୍ୟହୀନତା ପରି ଗମ୍ଭୀର ଚ୍ୟାଲେଞ୍ଜ

ରହିଛି। ଏହି ସମସ୍ୟାଗୁଡ଼ିକୁ ମନେରଖି ସେ ସାଇକେଲ ମାଧ୍ୟମରେ ସିଧାସଳଖ ଲୋକମାନଙ୍କ ସହିତ

ଯୋଗାଯୋଗ କରିବାର ପଥ ବାଛିଛନ୍ତି। ସେ କହିଥିଲେ ଯେ ସାଇକେଲ କେବଳ ପରିବେଶ ପାଇଁ ଉପଯୁକ୍ତ ଯାନ

ନୁହେଁ, ଏହା

ସାଧାରଣ ଲୋକଙ୍କ ସହିତ ସହଜ ଏବଂ ପ୍ରଭାବଶାଳୀ ସଂଯୋଗର ମାଧ୍ୟମ ମଧ୍ୟ ଅଟେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା