କୋଲକାତା, 24 ଏପ୍ରିଲ (ହି.ସ.)। ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ

ପର୍ଯ୍ୟାୟର ଭୋଟିଂ ପରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ଶୁକ୍ରବାର କୋଲକାତାରେ ଆୟୋଜିତ

ସାମ୍ବାଦିକ ସମ୍ମିଳନୀରେ ବଡ଼ ରାଜନୈତିକ ଦାବି କରି କହିଛନ୍ତି ଯେ ଆସନ୍ତା ମାସରେ ଅଙ୍ଗ

(ବିହାର),

ବଙ୍ଗ (ବଙ୍ଗାଳ) ଏବଂ କଳିଙ୍ଗ (ଓଡିଶା) ଏହି ତିନୋଟି ଅଞ୍ଚଳରେ

ଭାରତୀୟ ଜନତା ପାର୍ଟି (ବିଜେପି)ର ସରକାର ହେବ। ସେ କହିଛନ୍ତି ଯେ ପୂର୍ବ ଭାରତରେ ବିଜେପିର

ବିସ୍ତାର ଦ୍ରୁତ ଗତିରେ ହେଉଛି ଏବଂ ପଶ୍ଚିମ ବଙ୍ଗରେ ଏଥର ଜନତା ପରିବର୍ତ୍ତନର ମନୋଭାବ ତିଆରି

କରିଛନ୍ତି।

ଅମିତ ଶାହ କହିଛନ୍ତି

ଯେ ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ଜନତା ଭାରି ଉତ୍ସାହର ସହିତ ଭୋଟିଂ

କରିଛନ୍ତି। ସେ କହିଛନ୍ତି ଯେ ପ୍ରଥମ ପର୍ଯ୍ୟାୟରେ 152ଟି ଆସନରେ ଭୋଟ ହୋଇଛି ଏବଂ ବିଜେପି

ଏଥିରୁ 110ରୁ ଅଧିକ ଆସନରେ ଜିତିବ। ଶାହ କହିଛନ୍ତି ଯେ ଭୋଟିଂ ପ୍ରତିଶତ ସମସ୍ତ ପୁରୁଣା

ରେକର୍ଡକୁ ଭାଙ୍ଗିଦେଇଛି ଏବଂ ଏହା ସ୍ପଷ୍ଟ ସଙ୍କେତ ଯେ ରାଜ୍ୟର ଲୋକମାନେ ପରିବର୍ତ୍ତନ

ଚାହୁଁଛନ୍ତି।

ସେ କହିଛନ୍ତି ଯେ

ପ୍ରଥମ ପର୍ଯ୍ୟାୟରେ 92 ପ୍ରତିଶତରୁ ଅଧିକ ଭୋଟିଂ ହୋଇଛି, ଯାହା ଏହାର ପ୍ରମାଣ ଯେ ଲୋକମାନେ ଗଣତାନ୍ତ୍ରିକ ପଦ୍ଧତିରେ ପରିବର୍ତ୍ତନ

ଆଣିବାକୁ ଚାହୁଁଛନ୍ତି। ଶାହ କହିଛନ୍ତି ଯେ ଜନତା ଭୟ ଏବଂ ହିଂସାର ରାଜନୀତିକୁ ପ୍ରତ୍ୟାଖ୍ୟାନ କରି

ବଡ଼ ସଂଖ୍ୟାରେ ଭୋଟ କେନ୍ଦ୍ରରେ ପହଞ୍ଚି ନିଜ ମତାଧିକାର ସାବ୍ୟସ୍ତ କରିଛନ୍ତି।

ତୃଣମୂଳ କଂଗ୍ରେସ

ସରକାର ଉପରେ ସିଧାସଳଖ ଆକ୍ରମଣ କରି ଅମିତ ଶାହ କହିଛନ୍ତି ଯେ ମମତା ବାନାର୍ଜୀଙ୍କ ନେତୃତ୍ୱାଧୀନ

ସରକାରର ବିଦାୟ ନିଶ୍ଚିତ। ସେ ଅଭିଯୋଗ କରିଛନ୍ତି ଯେ ରାଜ୍ୟରେ ଦୁର୍ନୀତିକୁ ପ୍ରତିଷ୍ଠାନଗତ ରୂପ

ଦିଆଯାଇଛି ଏବଂ ଗତ କିଛି ବର୍ଷରେ ହଜାର କୋଟି ଟଙ୍କାର ଘୋଟାଲା ହୋଇଛି। ସେ କହିଛନ୍ତି ଯେ

ନିଯୁକ୍ତି ଘୋଟାଲା, ଶିକ୍ଷକ ନିଯୁକ୍ତି

ମାମଲା,

ନଗର ନିଗମ ଅନିୟମିତତା ଏବଂ ବିଭିନ୍ନ ଯୋଜନାରେ ଦୁର୍ନୀତିରୁ ଲୋକମାନେ

ପୀଡ଼ିତ ହୋଇଛନ୍ତି।

ଶାହ କହିଛନ୍ତି ଯେ

ବିଜେପି ସରକାର ଗଠିତ ହେଲେ ତୃଣମୂଳ ଶାସନକାଳର ଦୁର୍ନୀତି ଉପରେ ଏକ ଶ୍ୱେତପତ୍ର ଜାରି କରାଯିବ।

ସେହିପରି ଅବସରପ୍ରାପ୍ତ ସୁପ୍ରିମକୋର୍ଟର ନ୍ୟାୟାଧୀଶଙ୍କ ନିରୀକ୍ଷଣରେ ସମସ୍ତ ମାମଲାର ତଦନ୍ତ

କରାଯିବ,

ଯାହାଦ୍ୱାରା ଦୋଷୀମାନେ ଆଇନ ଅନୁଯାୟୀ ଶାସ୍ତି ପାଇପାରିବେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା