ଇସଲମାବାଦ, 27 ଏପ୍ରିଲ (ହି.ସ.)। ୱାଶିଂଟନ ସହିତ ଯୁଦ୍ଧ ଶେଷ କରିବା ପାଇଁ ତେହେରାନ

ତାହାର କୂଟନୀତିକ ପ୍ରୟାସକୁ ତୀବ୍ର କରିଦେଇଛି। ପାକିସ୍ତାନର ରାଜଧାନୀ ଇସଲମାବାଦରେ ଫିଲ୍ଡ

ମାର୍ଶାଲ ଆସିମ ମୁନିରଙ୍କ ସହ ସାକ୍ଷାତ ପରେ ରବିବାର ଇରାନର ବିଦେଶମନ୍ତ୍ରୀ ଆବ୍ବାସ ଆରାଘଚି ରୁଷର

ରାଷ୍ଟ୍ରପତି ଭ୍ଲାଦିମିର ପୁତିନଙ୍କ ସହିତ ମିଟିଂ ପାଇଁ ରୁଷ ଯାତ୍ରା କରିଥିଲେ। ଆରାଘଚି ଓମାନରୁ

ଫେରି ପୁଣିଥରେ ଇସ୍ଲାମାବାଦ ପହଞ୍ଚିଥିଲେ। ସେ ଓମାନର ସୁଲ୍ତାନ ହାଇଥମ ବିନ ତାରିକଙ୍କୁ ସମଗ୍ର

ପରିସ୍ଥିତି ବିଷୟରେ ଅବଗତ କରାଇଥିଲେ।

ଆଲ ଜଜିରା, ଦୁନିଆ ନ୍ୟୁଜ ଓ ସିଏନଏନ୍ର ଖବର ଅନୁଯାୟୀ, ଆସିମ ମୁନିର ଓ ଆରାଘଚିଙ୍କ

ସାକ୍ଷାତ ବିଷୟରେ ଇରାନର ସରକାରୀ ମିଡିଆ କୌଣସି ଚର୍ଚ୍ଚା କରିନାହିଁ। ପାକିସ୍ତାନର ଏକ

ରାଜନୈତିକ ସୂତ୍ର ପକ୍ଷରୁ କୁହାଯାଇଛି ଯେ, ସମ୍ଭବତଃ ପରବର୍ତ୍ତୀ ଆଲୋଚନାରେ କୌଣସି ନ କୌଣସି ସମାଧାନ ମିଳିପାରେ।

ପରବର୍ତ୍ତୀ ଚର୍ଚ୍ଚା ପର୍ଯ୍ୟାୟରେ ଇରାନ ଓ ଆମେରିକା ସହିତ ଉପସାଗରୀୟ ଦେଶମାନଙ୍କର

ପ୍ରତିନିଧିମାନେ ମଧ୍ୟ ଅଂଶଗ୍ରହଣ କରିବେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା